പ്രഥമ സൗദി ആർക്കിയോളജി  കൺ​െവൻഷൻ റിയാദിൽ; ഒരുക്കം തകൃതി

റിയാദ്​: ഒന്നാമത്​ സൗദി ആർക്കിയോളജി കൺവെൻഷൻ അട​ുത്ത ആഴ്​ച റിയാദിൽ ആ​രംഭിക്കും. നവംബർ ഏഴു മുതൽ ഒമ്പതു വരെ തലസ്​ഥാനത്തെ കിങ്​ അബ്​ദുൽ അസീസ്​ ഹിസ്​റ്റോറിക്കൽ സ​െൻററിലാണ്​ പരിപാടി. സൗദി കമീഷൻ ​േഫാർ ടൂറിസം ആൻഡ്​ നാഷനൽ ഹെറിറ്റേജി​​െൻറ​ (എസ്​.സി.ടി.എച്ച്​) നേതൃത്വത്തിൽ കിങ്​ അബ്​ദുൽ അസീസ്​ റിസർച്ച്​ സ​െൻറർ, വിവിധ വകുപ്പുകൾ എന്നിവയുടെ സഹകരണത്തോടെയാണ്​ കൺവെൻഷൻ സംഘടിപ്പിക്കുന്നത്​. ഇൗതരത്തിൽ രാജ്യത്ത്​ ആദ്യമായി സംഘടിപ്പിക്കുന്ന കൺവെൻഷനാണിത്​. അതുകൊണ്ട്​ തന്നെ വിപുലമായ ഒരുക്കങ്ങളാണ്​ ഇതിനായി നടത്തുന്നത്​. 

ലോകത്തെ ഏറ്റവും തലമുതിർന്ന നിരവധി പുരാവസ്​തു​ശാസ്​ത്രജ്​ഞർ പരിപാടിയിൽ പ​െങ്കടുക്കാൻ റിയാദിലെത്തുന്നുണ്ട്​. സന്ദർശകർക്ക്​ അവരുടെ അനുഭവങ്ങൾ നേരിട്ടറിയാനുള്ള അവസരവും സംഘാടകർ ഒരുക്കുന്നുണ്ട്​. പുരാവസ്​തു ഉദ്​ഖനനം, കണ്ടെത്തലുകൾ, വിവിധ വസ്​തുക്കൾ വേർതിരിക്കുന്നതിനും മൂല്യ നിർണയം നടത്തുന്നതിനുള്ള രീതികൾ, രാജ്യത്തെ വിദൂര മരുഭൂ മേഖലകളിലെ ഉദ്​ഖനനത്തിനുള്ള ​െവല്ലുവിളികൾ എന്നിവയെ കുറിച്ചുള്ള വിശദീകരണം കൺവെൻഷനിലുണ്ടാകും. രാജ്യത്തെ പ്രമുഖ പുരാവസ്​തു ഖനന മേഖലകള​ുടെ പുനരാവിഷ്​കാരവും മേള നഗരിയിലുണ്ടാകും.

രാജ്യത്തി​​െൻറ വിവിധ ഭാഗങ്ങളിൽ ഉദ്​ഖനനത്തിൽ ഏർപ്പെട്ടിരിക്കുന്ന 30 ലേറെ സൗദി^അന്താരാഷ്​ട്ര പുരാവസ്​തു സംഘങ്ങളും ഇതിനായി റിയാദിലെത്തും. പുരാവസ്​തു മേഖലയുടെ വിവിധ മുഖങ്ങൾ പ്രതിപാദിക്കുന്ന 10 പ്രദർശനങ്ങളും ഇതിനൊപ്പമുണ്ടാകും. ചരിത്രാതീത പുരാവസ്​തുക്കൾ, ശിലാലിഖിതങ്ങൾ, ഹജ്ജ്​, കച്ചവട പാതകൾ, അറേബ്യൻ ഉപഭൂഖണ്ഡത്തി​​െൻറ ഇസ്​ലാം പൂർവ കാലത്തെ ചരിത്രം, ഇസ്​ലാം കാലത്തെ ചരിത്രം, കല, വാസ്​തു​ശാസ്​ത്രം, പൗരാണിക ഇസ്​ലാമിക ലിഖിതങ്ങൾ എന്നിവയെ കുറിച്ചാകും പ്രദർശനങ്ങൾ. കൺവെൻഷനുള്ള ഒരുക്കങ്ങൾ ആഴ്​ചകൾക്ക്​ മു​േമ്പ ബത്​ഹക്ക്​ സമീപം മുറബ്ബയിൽ കിങ്​ അബ്​ദുൽ അസീസ്​ ഹിസ്​റ്റോറിക്കൽ സ​െൻററിൽ ആ​രംഭിച്ചുകഴിഞ്ഞു.