ഗ​സ്സ​യി​ൽ യു​ദ്ധം ഉ​ട​ൻ അ​വ​സാ​നി​പ്പി​ക്ക​ണ​മെ​ന്ന് അ​റ​ബ് വി​ദേ​ശ​കാ​ര്യ മ​ന്ത്രി​മാ​ർ

റി​യാ​ദ്​: ഗ​സ്സ​യി​ൽ യു​ദ്ധം അ​വ​സാ​നി​പ്പി​ച്ച് ഉ​ട​ൻ സ​മ്പൂ​ർ​ണ വെ​ടി​നി​ർ​ത്ത​ൽ ന​ട​പ്പാ​ക്ക​ണ​മെ​ന്ന്​ അ​റ​ബ്​ വി​ദേ​ശ​കാ​ര്യ മ​ന്ത്രി​മാ​ർ. ഗ​സ്സ​യി​ലെ ഇ​സ്രാ​യേ​ൽ യു​ദ്ധ​വും സം​ഭ​വ​വി​കാ​സ​ങ്ങ​ളും വി​ല​യി​രു​ത്താ​നാ​യി സൗ​ദി വി​ദേ​ശ​കാ​ര്യ മ​ന്ത്രി അ​മീ​ർ ഫൈ​സ​ൽ ബി​ൻ ഫ​ർ​ഹാ​ൻ വി​ളി​ച്ചു ചേ​ർ​ത്ത കൂ​ടി​യാ​ലോ​ച​ന യോ​ഗ​മാ​ണ്​ ഇ​ക്കാ​ര്യം ആ​വ​ശ്യ​പ്പെ​ട്ട​ത്. റി​യാ​ദി​ൽ വ്യാ​ഴാ​ഴ്ച​യാ​ണ് യോ​ഗം ന​ട​ന്ന​ത്.​

ഖ​ത്ത​ർ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്​​ദു​റ​ഹ്​​മാ​ൻ ആ​ൽ​ഥാ​നി, യു.​എ.​ഇ വി​ദേ​ശ​കാ​ര്യ മ​ന്ത്രി ശൈ​ഖ്​ അ​ബ്​​ദു​ല്ല ബി​ൻ സാ​യി​ദ് അ​ൽ ന​ഹ്​​യാ​ൻ, ജോ​ർ​ഡ​ൻ ഉ​പ​പ്ര​ധാ​ന​മ​ന്ത്രി​യും വി​ദേ​ശ​കാ​ര്യ-​പ്ര​വാ​സി​കാ​ര്യ മ​ന്ത്രി​യു​മാ​യ അ​യ്​​മ​ൻ സ​ഫാ​ദി, ഈ​ജി​പ്ത്​ വി​ദേ​ശ​കാ​ര്യ മ​ന്ത്രി സാ​മി​ഹ്​ ശു​ക്​​രി, ഫ​ല​സ്​​തീ​ൻ ലി​ബ​റേ​ഷ​ൻ ഓ​ർ​ഗ​നൈ​സേ​ഷ​ൻ എ​ക്സി​ക്യൂ​ട്ടി​വ് ക​മ്മി​റ്റി സെ​ക്ര​ട്ട​റി​യും സി​വി​ൽ കാ​ര്യ മ​ന്ത്രി​യു​മാ​യ ഹു​സൈ​ൻ അ​ൽ​ശൈ​ഖ്​ എ​ന്നി​വ​രാ​ണ് യോ​ഗ​ത്തി​ൽ സം​ബ​ന്ധി​ച്ച​ത്.

അ​ന്താ​രാ​ഷ്‌​ട്ര മാ​നു​ഷി​ക നി​യ​മ​ങ്ങ​ൾ​ക്ക​നു​സൃ​ത​മാ​യി സി​വി​ലി​യ​ന്മാ​രു​ടെ സം​ര​ക്ഷ​ണം ഉ​റ​പ്പു​വ​രു​ത്ത​ണ​മെ​ന്നും ഗ​സ്സ​യി​ലേ​ക്ക്​ മാ​നു​ഷി​ക സ​ഹാ​യ​ത്തി​​ന്റെ പ്ര​വേ​ശ​ന​ത്തെ ത​ട​സ്സ​പ്പെ​ടു​ത്തു​ന്ന എ​ല്ലാ നി​യ​ന്ത്ര​ണ​ങ്ങ​ളും നീ​ക്ക​ണ​മെ​ന്നും യോ​ഗം ആ​വ​ശ്യ​പ്പെ​ട്ടു. ഫ​ല​സ്​​തീ​ൻ അ​ഭ​യാ​ർ​ഥി​ക​ൾ​ക്കാ​യു​ള്ള ഐ​ക്യ​രാ​ഷ്ട്ര സം​ഘ​ട​ന​യു​ടെ റി​ലീ​ഫ് ആ​ൻ​ഡ് വ​ർ​ക്​​സ്​ ഏ​ജ​ൻ​സി​ക്ക് (UNRWA) യോ​ഗം പി​ന്തു​ണ അ​റി​യി​ച്ചു.

ഫ​ല​സ്തീ​ൻ അ​ഭ​യാ​ർ​ഥി​ക​ൾ​ക്കു​ള്ള മാ​നു​ഷി​ക ദൗ​ത്യ​ങ്ങ​ളെ പി​ന്തു​ണ​ക്കു​ന്ന​തി​ൽ ത​ങ്ങ​ളു​ടെ പ​ങ്കു​വ​ഹി​ക്കാ​ൻ എ​ല്ലാ​വ​രോ​ടും അ​ഭ്യ​ർ​ഥി​ച്ചു. പു​ന​രാ​ലോ​ച​ന​യി​ല്ലാ​തെ ദ്വി​രാ​ഷ്ട്ര പ​രി​ഹാ​രം ന​ട​പ്പാ​ക്കാ​ൻ ന​ട​പ​ടി​ക​ൾ കൈ​ക്കൊ​ള്ളേ​ണ്ട​തി​​​ന്റെ പ്രാ​ധാ​ന്യ​വും യോ​ഗ​ത്തി​ൽ പ​​ങ്കെ​ടു​ത്ത​വ​ർ ഊ​ന്നി​പ്പ​റ​ഞ്ഞു.

അ​ന്താ​രാ​ഷ്ട്ര പ്ര​മേ​യ​ങ്ങ​ൾ​ക്ക് അ​നു​സൃ​ത​മാ​യി 1967 ജൂ​ൺ നാ​ലി​ലെ അ​തി​ർ​ത്തി നി​യ​മ പ്ര​കാ​രം കി​ഴ​ക്ക​ൻ ജ​റൂ​സ​ലം ത​ല​സ്ഥാ​ന​മാ​യി ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ക്കു​ന്നു​വെ​ന്നും അ​ധി​നി​വേ​ശ ഫ​ല​സ്​​തീ​ൻ പ്ര​ദേ​ശ​ത്തി​​ന്റെ അ​വി​ഭാ​ജ്യ ഘ​ട​ക​മാ​ണെ​ന്നും എ​ല്ലാ നി​ർ​ബ​ന്ധി​ത കു​ടി​യൊ​ഴി​പ്പി​ക്ക​ലു​ക​ളേ​യും നി​ര​സി​ക്കു​​ന്നു​വെ​ന്നും യോ​ഗം അ​റി​യി​ച്ചു.

അ​തേ സ​മ​യം, സൗ​ദി വി​ദേ​ശ​കാ​ര്യ മ​ന്ത്രി അ​മീ​ർ ഫൈ​സ​ൽ ബി​ൻ ഫ​ർ​ഹാ​നും യു.​എ​സ് സ്റ്റേ​റ്റ് സെ​ക്ര​ട്ട​റി ആ​ൻ​റ​ണി ബ്ലി​ങ്ക​നും വ്യാ​ഴാ​ഴ്ച ഫോ​ണി​ൽ സം​സാ​രി​ച്ചു. ഗ​സ്സ​യി​ലെ പ്ര​തി​സ​ന്ധി​യു​ടെ സു​ര​ക്ഷ, മാ​നു​ഷി​ക പ്ര​ത്യാ​ഘാ​ത​ങ്ങ​ൾ നേ​രി​ടാ​ൻ ന​ട​ത്തു​ന്ന ശ്ര​മ​ങ്ങ​ൾ ഇ​രു​മ​ന്ത്രി​മാ​രും ഫോ​ണി​ൽ ച​ർ​ച്ച ചെ​യ്ത​താ​യി റി​പ്പോ​ർ​ട്ടു​ണ്ട്.

ഇ​സ്രാ​യേ​ലി​ന് സു​ര​ക്ഷ ഗാ​ര​ൻ​റി ന​ൽ​കി​ക്കൊ​ണ്ട്​ ഫ​ല​സ്​​തീ​ൻ രാ​ഷ്ട്രം സ്ഥാ​പി​ക്കു​ന്ന​തു​മാ​യി മു​ന്നോ​ട്ടു​പോ​കു​ന്ന​തി​ന് സൗ​ദി അ​റേ​ബ്യ​യു​മാ​യി അ​മേ​രി​ക്ക ഏ​കോ​പ​നം തു​ട​രു​മെ​ന്ന്​ യു.​എ​സ്​ സ്​​റ്റേ​റ്റ്​ സെ​ക്ര​ട്ട​റി പ​റ​ഞ്ഞു.

ഗ​സ്സ​യി​ലെ പ്ര​തി​സ​ന്ധി അ​വ​സാ​നി​പ്പി​ക്കാ​നു​ള്ള ശ്ര​മ​ങ്ങ​ൾ ഇ​രു​പ​ക്ഷ​വും ച​ർ​ച്ച ചെ​യ്ത​താ​യും ഇ​സ്രാ​യേ​ലി​ക​ൾ​ക്കും ഫ​ല​സ്തീ​ൻ​കാ​ർ​ക്കും ഒ​രു​പോ​ലെ സു​സ്ഥി​ര സ​മാ​ധാ​ന​വും സു​ര​ക്ഷ​യും ന​ൽ​കി​ക്കൊ​ണ്ട് ഫ​ല​സ്തീ​ൻ രാ​ഷ്ട്രം സ്ഥാ​പി​ക്കു​ന്ന​തി​ലേ​ക്ക് ന​യി​ക്കു​ക​യും ചെ​യ്യ​ൽ​ ല​ക്ഷ്യ​മി​ട്ടാ​ണ്​ ഇ​തെ​ന്നും അ​മേ​രി​ക്ക​ൻ വി​ദേ​ശ​കാ​ര്യ മ​ന്ത്രാ​ല​യം പ്ര​സ്​​താ​വ​ന​യി​ൽ പ​റ​ഞ്ഞു.

ഗ​സ്സ​യി​ലെ സാ​ധാ​ര​ണ​ക്കാ​ർ​ക്ക് മാ​നു​ഷി​ക സ​ഹാ​യം വ​ർ​ധി​പ്പി​ക്കു​ന്ന​തി​ന് ഏ​കോ​പ​നം തു​ട​രാ​ൻ സൗ​ദി, അ​മേ​രി​ക്ക​ൻ മ​ന്ത്രി​മാ​ർ പ്ര​തി​ജ്ഞ​യെ​ടു​ത്ത​താ​യും പ്ര​സ്​​താ​വ​ന​യി​ലു​ണ്ട്.