എ.പി. അബ്​ദുല്ല കുട്ടിക്ക്‌ ജിദ്ദയിൽ സ്വീകരണം

ജിദ്ദ: മൂന്ന് ദിവസത്തെ സന്ദർശനത്തിനായി ജിദ്ദയിലെത്തിയ കേന്ദ്ര ഹജ് കമ്മിറ്റി ചെയർമാനും ബി.ജെ.പി നാഷനൽ വൈസ് പ്രസിഡന്‍റുമായ എ.പി. അബ്​ദുല്ല കുട്ടിക്ക്‌ വിമാനത്താവളത്തിൽ സ്വീകരണം നൽകി.

അബ്ദുല്ല കുട്ടിയെ ഇന്ത്യൻ കോൺസുലേറ്റ് ഉദ്യോഗസ്ഥർക്കൊപ്പം ഇന്ത്യൻ ഓവർസീസ്​ ഫോറം (ഐ.ഒ.എഫ്) നാഷനൽ വൈസ് പ്രസിഡന്‍റ്​ ജയറാം പിള്ള പൊന്നാട അണിയിച്ചു. ഐ.ഒ.എഫ് നാഷനൽ കൺവീനർ പ്രവീൺ പിള്ള പൂച്ചെണ്ട് നൽകി. ഐ.ഒ.എഫ് വെസ്റ്റേൺ പ്രൊവിൻസ് ജനറൽ സെക്രട്ടറി റോഷൻ നായർ, കമ്മിറ്റി അംഗങ്ങളായ വിഷ്ണു അരുൺ എന്നവർ സ്വീകരിക്കാൻ വിമാനത്താവളത്തിൽ എത്തിയിരുന്നു.