ആൻറണി ആൽബർട്ടി​െൻറ മൃതദേഹം നാട്ടിലയക്കാൻ നടപടിയായി

റിയാദ്​: സൗദിയിൽ ഒന്നര മാസം മുമ്പ്​ മരിച്ച കൊല്ലം സ്വദേശി ആൻറണി ആൽബർട്ടി​​​െൻറ മൃതദേഹം നാട്ടിലയക്കാനുള്ള നടപടിയായി. 
ജോലി ചെയ്​ത അൽഖോബാറിലെ കമ്പനി 13 മാസത്തെ ശമ്പള കുടിശ്ശികയും 28 വർഷത്തെ സർവീസ്​ ആനുകൂല്യവും ഇന്ത്യൻ എംബസി അക്കൗണ്ടിൽ നിക്ഷേപിച്ചു. 79326 റിയാലാണ്​ ആൻറണി ആൽബർടിന്​ ലഭിക്കാനുണ്ടായിരുന്നത്​.  പണം കിട്ടാനുള്ളതിനാൽ  മൃതദേഹം നാട്ടിലയക്കുന്നതിന്​ നിയമതടസ്സമുണ്ടായിരുന്നു.

ജോലി ചെയ്​ത കമ്പനിയിൽ നിന്ന്​ ശമ്പളവും ആനുകൂല്യങ്ങളും കിട്ടാനുള്ളതി​​​െൻറ പേരിൽ മലയാളിയുടെ മൃതദേഹം 43 ദിവസമായി മോർച്ചറിയിൽ കിടക്കേണ്ട നിർഭാഗ്യകരമായ അവസ്​ഥ കഴിഞ്ഞ ദിവസം ‘ഗൾഫ്​ മാധ്യമം’ റിപ്പോർട്ട്​ ചെയ്​തതോടെയാണ്​ അധികൃതർ  ഉണർന്ന്​ പ്രവർത്തിച്ചതെന്ന്​ പരാതിക്കാരനായ പി.ടി റജിമോൻ പറഞ്ഞു. കമ്പനി ഇടപാട്​ തീർത്തതോടെ മൃതദേഹം നാട്ടിൽ കൊണ്ടുപോകാനുള്ള എൻ.ഒ.സി ഇന്ത്യൻ എംബസി നൽകി. ര​ണ്ടോ മൂന്നോ ദിവസത്തിനകം മൃതദേഹം നാട്ടിലെത്തിക്കാനാവുമെന്ന്​ റജിമോൻ പറഞ്ഞു. 

ദമ്മാം അൽഖോബാറിലെ സ്വകാര്യ കമ്പനിയിൽ വെൽഡറായിരുന്ന ആൻറണി ആൽബർട്ട്​ കഴിഞ്ഞ മെയ്​ 22-നാണ്​ ഹൃദയാഘാതം മൂലം മരിച്ചത്​.  മരിക്കു​േമ്പാൾ 13 മാസത്തെ ശമ്പള കുടിശ്ശികയും 28 വർഷത്തെ സർവീസ് ആനുകൂല്യവും കിട്ടാനുണ്ടായിരുന്നു​. സൗദി നിയമമനുസരിച്ച്​ മരിച്ചയാളുടെ എല്ലാ ഇടപാടുകളും തീർത്താലേ മൃതദേഹത്തിന്​ എക്​സിറ്റ്​ ലഭിക്കൂമായിരുന്നുള്ളൂ. കമ്പനിയുടെ സാമ്പത്തിക പ്രതിസന്ധിയുടെ പേരിൽ ഇടപാട്​ തീർക്കാൻ വൈകുകയായിരുന്നു.  

ആൻറണി ആൽബർട്ടി​​​െൻറ സഹോദരൻ ഇതു സംബന്ധിച്ച്​ മുഖ്യമന്ത്രി, നിയമ സഭാസ്​പീക്കർ, നോർക്ക, ഇന്ത്യൻ എംബസി, കേന്ദ്ര വിദേശകാര്യ സഹമന്ത്രി വി.കെ സിങ്​ തുടങ്ങിയവർക്ക്​ പരാതി നൽകി. പക്ഷെ അനിശ്​ചിതമായി നീളുകയായിരുന്നു നടപടികൾ. ഭാര്യയും  പ്രായപൂർത്തിയാവാത്ത രണ്ട്​ മക്കളുമാണ്​ മരിച്ച ആൻറണി ആൽബർട്ടി​​​െൻറ ആശ്രിതർ. 

നാട്ടിൽ ലീവിന്​ പോവാൻ ഒരാഴ്​ചയുള്ളപ്പോഴാണ്​ ഇയാൾ മരിച്ചത്​. മൃതദേഹം നാട്ടിൽ എന്നെത്തുമെന്നറിയാതെ കൊടുംദുഃഖത്തിൽ കഴിയുകയായിരുന്നു കുടുംബം. സാമൂഹികപ്രവർത്തകൻ നാസ്​ വക്കത്തെയാണ്​ മൃതദേഹം ഏറ്റുവാങ്ങാൻ കുടുംബം ​ചുമതലപ്പെടുത്തിയത്​. മൃതദേഹം നാട്ടിലയക്കാൻ വേണ്ടി കഴിഞ്ഞ ഒന്നരമാസമായി ​ആത്​മാർഥമായി പരിശ്രമിച്ച കമ്പനിയിലെ ഫോർമാൻ ഹനീഫ,  പി.ആർ.ഒ അഹമ്മദ്​ ബാഷ, നാസ്​ വക്കം, നവോദയ കമ്മിറ്റി പ്രതിനിധി പ​േ​ത്രാസ്​,  ആൻറണിയുടെ സുഹൃത്ത്​ സലീം  എന്നിവർക്ക്​ ബന്ധുക്കൾ നന്ദി അറിയിച്ചു.