അനീസ് തിരൂർക്കാടിന് യാത്രയയപ്പ് നൽകി

യാംബു: 18 വർഷത്തെ പ്രവാസം മതിയാക്കി മടങ്ങുന്ന മലപ്പുറം തിരൂർക്കാട് സ്വദേശി അനീസ് ചാലിലകത്തിന് യാംബു ഇന്ത്യൻ ഇസ്ലാഹി സെന്‍റർ യാത്രയയപ്പ് നൽകി. ഒന്നരപ്പതിറ്റാണ്ടായി യാംബു ടൊയോട്ട കമ്പനിയിൽ മെക്കാനിക്കായിരുന്ന അനീസ് യാംബു ഇന്ത്യൻ ഇസ്ലാഹി സെന്‍റർ വൈസ് പ്രസിഡന്‍റ്, ഇസ്ലാഹി മദ്‌റസ, ലേൺ ദി ഖുർആൻ എന്നീ വകുപ്പുകളുടെ കൺവീനർ എന്നീ ഉത്തരവാദിത്തങ്ങൾ വഹിച്ചിരുന്നു.

ചെയർമാൻ അബൂബക്കർ മേഴത്തൂർ ഉപഹാരം നൽകി. യാംബു റോയൽ കമീഷൻ ദഅ്വ സെന്‍റർ മലയാളം വിഭാഗം മേധാവി അബ്ദുൽ അസീസ് സുല്ലമി, സെന്‍റർ വൈസ് പ്രസിഡന്‍റ് അബ്ദുറഷീദ് വേങ്ങര, ജനറൽ സെക്രട്ടറി ഫാറൂഖ് കൊണ്ടേത്ത്, ദഅ്വ കൺവീനർ നിയാസ് പുത്തൂർ എന്നിവർ സംബന്ധിച്ചു. അനീസ് തിരൂർകാട് മറുപടി പ്രസംഗം നടത്തി.