സൗദി അറേബ്യയിലുടനീളമുള്ള പുരാതന ശിലാചിത്രങ്ങൾ ലോകശ്രദ്ധ നേടുന്നു

ജു​ബൈ​ൽ: സൗ​ദി അ​റേ​ബ്യ​യി​ലെ ഒ​റ്റ​പ്പെ​ട്ട പ്ര​ദേ​ശ​ങ്ങ​ളി​ൽ കാ​ണ​പ്പെ​ടു​ന്ന പു​രാ​ത​ന ശി​ലാ​ചി​ത്ര​ങ്ങ​ൾ ലോ​ക​ശ്ര​ദ്ധ നേ​ടു​ന്നു. അ​റേ​ബ്യ​ൻ പെ​നി​ൻ​സു​ല​യു​ടെ ച​രി​ത്ര​ത്തി​ലും സം​സ്‌​കാ​ര​ങ്ങ​ളി​ലു​മു​ണ്ടാ​യ മാ​റ്റ​ങ്ങ​ളും സം​ഭ​വ​വി​കാ​സ​ങ്ങ​ളും അ​ന്ന​ത്തെ നാ​ഗ​രി​ക​ർ പ​രി​സ്ഥി​തി​യെ എ​ങ്ങ​നെ കൈ​കാ​ര്യം ചെ​യ്തു​വെ​ന്ന​തി​ന്‍റെ​യും തെ​ളി​വു​ക​ളാ​ണ് ഓ​രോ ശി​ലാ ചി​ത്ര​ങ്ങ​ളും. തെ​ക്ക​ൻ സൗ​ദി ന​ഗ​ര​മാ​യ ന​ജ്‌​റാ​നി​ൽ ക​ണ്ടെ​ത്തി​യ കൊ​ത്തു​പ​ണി​ക​ളു​ള്ള ര​ണ്ടു സ്ത്രീ​ക​ളു​ടെ ചി​ത്രം ഏ​റെ ശ്ര​ദ്ധ നേ​ടി​ക്ക​ഴി​ഞ്ഞു.

ഒ​ന്ന് ആ​ഭ​ര​ണ​ങ്ങ​ൾ​കൊ​ണ്ട് അ​ല​ങ്ക​രി​ച്ച നി​ല​യി​ലും മ​റ്റൊ​ന്ന് അ​ര​യി​ൽ കു​ന്തം വ​ഹി​ക്കു​ന്ന ഒ​രാ​ളു​ടെ അ​ടു​ത്ത് നൃ​ത്തം ചെ​യ്യു​ന്ന നി​ല​യി​ലു​മാ​ണ്. ഇ​വ സ്ത്രീ​ക​ളു​ടെ പ്രാ​ധാ​ന്യം, കാ​ല​ഘ​ട്ടം എ​ന്നി​വ​യെ​ക്കു​റി​ച്ച് നി​ര​വ​ധി പ​ഠ​ന​ങ്ങ​ൾ​ക്ക് നി​മി​ത്ത​മാ​വു​ന്നു. സൗ​ദി​യി​ലെ ഏ​റ്റ​വും പു​രാ​ത​ന​മാ​യ ശി​ലാ​ചി​ത്ര​ങ്ങ​ൾ 7000 വ​ർ​ഷം പ​ഴ​ക്ക​മു​ള്ള​തും അ​വ കൂ​ടു​ത​ലും പു​രാ​ത​ന വ്യാ​പാ​ര​പാ​ത​ക്കു സ​മീ​പ​വു​മാ​ണ് കാ​ണ​പ്പെ​ടു​ന്ന​ത്.

ബി.​സി എ​ട്ടാം നൂ​റ്റാ​ണ്ടി​ൽ ഉ​പ​യോ​ഗി​ച്ച ത​മു​ദി​ക് ലി​പി​യി​ൽ എ​ഴു​തി​യ ലി​ഖി​ത​ങ്ങ​ൾ ഇ​വ​യി​ലു​ണ്ട്. ബി.​സി ര​ണ്ടാം സ​ഹ​സ്രാ​ബ്ദ​ത്തി​ന്‍റെ മ​ധ്യ​ത്തി​ലെ ര​ച​ന​ക​ളി​ൽ പു​രാ​ത​ന ദ​ക്ഷി​ണ അ​റേ​ബ്യ​ൻ ലി​പി ഉ​പ​യോ​ഗി​ച്ചി​ട്ടു​ണ്ട്. ര​ണ്ടു ത​രം ലി​പി​ക​ളു​ടെ ഉ​പ​യോ​ഗ​ത്തി​ന് നി​ര​വ​ധി അ​ർ​ഥ​ങ്ങ​ളു​ണ്ട്. ലി​പി​ക​ളെ​ക്കു​റി​ച്ചു​ള്ള പു​രാ​ത​ന മ​നു​ഷ്യ​രു​ടെ അ​റി​വ്, സ​മൂ​ഹ​ങ്ങ​ൾ ത​മ്മി​ലു​ള്ള ആ​ശ​യ​വി​നി​മ​യം എ​ന്നി​വ​യെ സൂ​ചി​പ്പി​ക്കു​ന്നു. ത​മു​ദി​ക് ലി​പി വ​ട​ക്ക​ൻ മേ​ഖ​ല​ക​ളി​ൽ ഉ​ത്ഭ​വി​ക്കു​ക​യും അ​റേ​ബ്യ​ൻ പെ​നി​ൻ​സു​ല​യു​ടെ ഭൂ​രി​ഭാ​ഗം പ്ര​ദേ​ശ​ങ്ങ​ളി​ലേ​ക്കും വ്യാ​പി​ക്കു​ക​യു​മാ​യി​രു​ന്നു.

ശി​ല​യി​ലെ ചി​ത്ര​ത്തി​ൽ ഒ​രാ​ൾ ര​ണ്ടു കു​ന്ത​ങ്ങ​ൾ വ​ല​തു കൈ​യി​ലും ഒ​ന്ന് ഇ​ട​തു കൈ​യി​ലും അ​ര​യി​ൽ ഒ​രു ക​ഠാ​ര​യും വെ​ച്ചി​ട്ടു​ണ്ട്. അ​ല​ങ്കാ​ര ആ​വ​ശ്യ​ങ്ങ​ൾ​ക്കോ ​​മ​റ്റു മ​ത​പ​ര​മാ​യ പ്രാ​ധാ​ന്യ​മു​ള്ള​തോ ആ​യ ഒ​രു പെ​ൻ​ഡ​ന്‍റും പി​ടി​ച്ചി​രി​ക്കു​ന്നു. കു​ന്ത​വും ക​ഠാ​ര​യും ശ​ക്തി​യെ പ്ര​തീ​ക​പ്പെ​ടു​ത്തു​ന്ന​വ​യാ​ണ് അ​ല്ലെ​ങ്കി​ൽ യു​ദ്ധം ചെ​യ്യാ​നും ശ​ത്രു​വി​നെ നേ​രി​ടാ​നു​മു​ള്ള ത​യാ​റെ​ടു​പ്പു​ക​ൾ സൂ​ചി​പ്പി​ക്കു​ന്നു.

ഈ ​പ്ര​ദേ​ശ​ത്തെ ലി​ഖി​ത​ങ്ങ​ളും ശി​ലാ​ചി​ത്ര​ങ്ങ​ളും വ​സ്ത്ര​ങ്ങ​ൾ, അ​ല​ങ്കാ​ര ഉ​പ​ക​ര​ണ​ങ്ങ​ൾ, ആ​യു​ധ​ങ്ങ​ൾ, ക​ല്ല് അ​ടു​പ്പു​ക​ൾ, ച​തു​രാ​കൃ​തി​യി​ലു​ള്ള​തും കോ​ണാ​കൃ​തി​യി​ലു​ള്ള​തു​മാ​യ നി​ർ​മാ​ണ​ങ്ങ​ൾ, ത​ട​ങ്ങ​ൾ എ​ന്നി​വ​യെ​ക്കു​റി​ച്ചു​ള്ള വി​വ​ര​ങ്ങ​ൾ ന​ൽ​കു​ന്നു. ഒ​ട്ട​ക​ങ്ങ​ൾ, പ​ശു​ക്ക​ൾ, ഐ​ബെ​ക്സ്, ഫ​ലി​തം, സിം​ഹ​ങ്ങ​ൾ, ചെ​ന്നാ​യ്ക്ക​ൾ തു​ട​ങ്ങി​യ വ​ന്യ​മൃ​ഗ​ങ്ങ​ളു​ടെ ചി​ത്ര​ങ്ങ​ളും കാ​ണാം. കു​ന്ത​ങ്ങ​ൾ ഉ​പ​യോ​ഗി​ച്ചു​ള്ള യു​ദ്ധ​ങ്ങ​ളും ചി​ത്ര​ങ്ങ​ളി​ൽ കാ​ണാം. പു​രു​ഷ​ന്മാ​രു​ടെ ചി​ത്ര​ങ്ങ​ളി​ൽ ചി​ല​തി​ൽ പു​രു​ഷ​ന്മാ​ർ ശി​രോ​വ​സ്ത്രം ധ​രി​ച്ച​താ​യി കാ​ണു​ന്നു​ണ്ടെ​ന്ന് കി​ങ് സൗ​ദ് സ​ർ​വ​ക​ലാ​ശാ​ല​യി​ലെ പു​രാ​ത​ന ച​രി​ത്ര പ്ര​ഫ​സ​റാ​യ സ​ൽ​മ ഹ​വ്സാ​വി പ​റ​ഞ്ഞു. ന​ജ്‌​റാ​നി​ലെ യാ​ദ്മ ഗ​വ​ർ​ണ​റേ​റ്റി​ലെ സ​ദ​ർ അ​ൽ-​ന​ഖ​യി​ൽ ര​ണ്ടു സ്ത്രീ​ക​ൾ വ​ര​യ്ക്കു​ന്ന ശി​ലാ​ചി​ത്രം വ​ർ​ഷ​ങ്ങ​ളാ​യി പ​ഠ​ന​ത്തി​നും ഗ​വേ​ഷ​ണ​ത്തി​നും ച​ർ​ച്ച​ക​ൾ​ക്കും വി​ധേ​യ​മാ​ണ്. ചി​ല​ർ ഇ​ത് ഒ​രു ആ​ഘോ​ഷ​മാ​ണെ​ന്നും മ​റ്റു​ചി​ല​ർ യു​ദ്ധ​നൃ​ത്ത​മാ​ണെ​ന്നും പ​റ​യു​ന്നു. ഗ​വേ​ഷ​ക​രി​ൽ​നി​ന്ന് വ​ള​രെ​യ​ധി​കം ശ്ര​ദ്ധ നേ​ടി​യ ഇ​ത് ഏ​റ്റ​വും ഉ​യ​ർ​ന്ന പ​ർ​വ​ത​ത്തി​ലാ​ണ് സ്ഥി​തി​ചെ​യ്യു​ന്ന​ത്. ആ​ർ​ക്കി​യോ​ള​ജി​ക്ക​ൽ ക​മീ​ഷ​നു​മാ​യി ബ​ന്ധ​പ്പെ​ട്ട പ്ര​ഫ​ഷ​ന​ൽ മെ​ക്സി​ക്ക​ൻ ഫോ​ട്ടോ​ഗ്രാ​ഫ​ർ 1997ലാ​ണ് ഈ ​ചി​ത്ര​മെ​ടു​ത്ത​തെ​ന്ന് ഗ​വേ​ഷ​ക​നാ​യ സാ​ലി​ഹ് അ​ൽ മു​രീ​ഹ് പ​റ​ഞ്ഞു