പു​രാ​ത​ന കെ​ട്ടി​ട​ങ്ങ​ൾ നീ​ക്കം​ചെ​യ്യ​ുന്നു

ജി​ദ്ദ: ജി​ദ്ദ​യു​ടെ തെ​ക്ക് ഭാ​ഗ​ത്ത്​ ഗു​ലൈ​ൽ, പെ​ട്രോ​മി​ൻ ഡി​സ്​​ട്രി​ക്​​റ്റു​ക​ളി​ലെ പു​രാ​ത​ന കെ​ട്ടി​ട​ങ്ങ​ൾ നീ​ക്കം ചെ​യ്യു​ന്ന ജോ​ലി​ക​ൾ ജി​ദ്ദ മു​നി​സി​പ്പാ​ലി​റ്റി പു​ന​രാ​രം​ഭി​ച്ചു. പ​ഴ​യ കെ​ട്ടി​ട​ങ്ങ​ളു​ടെ അ​പ​ക​ട സാ​ധ്യ​ത ഇ​ല്ലാ​താ​ക്കാ​നും റോ​ഡു​ക​ൾ വി​ക​സി​പ്പി​ച്ച്​ ആ​വ​ശ്യ​മാ​യ സേ​വ​ന​ങ്ങ​ൾ ഒ​രു​ക്കി പ്ര​ദേ​ശം വി​ക​സി​പ്പി​ക്കു​ക​യും മോ​ഡി കൂ​ട്ടു​ക​യും ചെ​യ്യു​ന്ന​തി​നു​മാ​ണ്​ പ​ഴ​യ കെ​ട്ടി​ങ്ങ​ൾ നീ​ക്കം ചെ​യ്യു​ന്ന​ത്. 2014ലാ​ണ്​ പ്ര​ദേ​ശ​ത്തെ പ​ഴ​യ കെ​ട്ടി​ട​ങ്ങ​ൾ പൊ​ളി​ച്ചു​നീ​ക്കാ​നു​ള്ള ജോ​ലി​ക​ൾ ആ​രം​ഭി​ച്ച​ത്. ഏ​റ്റ​വും പു​രാ​ത​ന താ​മ​സ പ്ര​ദേ​ശ​മാ​യ ക​രി​ന്തി​ന​യി​ൽ നി​ര​വ​ധി കെ​ട്ടി​ട​ങ്ങ​ളാ​ണ്​ ഇ​തി​ന​കം പൊ​ളി​ച്ചു​മാ​റ്റി​യ​ത്. ഗു​ലൈ​ൻ, പെ​ട്രോ​മി​ൻ ഡി​സ്​​ട്രി​ക്​​റ്റു​ക​ളി​ൽ​നി​ന്നാ​യി ഏ​ക​ദേ​ശം 800 പ​ഴ​യ കെ​ട്ടി​ട​ങ്ങ​ളാ​ണ്​​ പൊ​ളി​ച്ചു​മാ​റ്റു​ന്ന​ത്. ആ​ദ്യ​ഘ​ട്ട​ത്തി​ൽ 99 കെ​ട്ടി​ട​ങ്ങ​ളും ര​ണ്ടാം​ഘ​ട്ട​ത്തി​ൽ 356 കെ​ട്ടി​ട​ങ്ങ​ളും പൊ​ളി​ച്ചു​നീ​ക്കി​യി​ട്ടു​ണ്ട്. മൂ​ന്നാം​ഘ​ട്ടം തു​ട​രു​ക​യാ​ണ്. കെ​ട്ടി​ട ഉ​ട​മ​ക​ൾ​ക്ക്​ ന​ഷ്​​ട​പ​രി​ഹാ​രം ന​ൽ​കു​ന്ന​തി​നു​ള്ള ന​ട​പ​ടി​ക​ൾ മു​നി​സി​പ്പാ​ലി​റ്റി പൂ​ർ​ത്തി​യാ​ക്കി​യി​ട്ടു​ണ്ട്. ​