തൊഴിലാളി പ്രശ്​നങ്ങളിൽ അന്ന് തന്നെ ഉത്തരവ് നൽകും -അബഹ ലേബർ ഓഫീസ്​ മേധാവി

അബ്ഹ: വിദേശതൊഴിലാളികളുമായി ബന്ധപ്പെട്ട പ്രശ്​നങ്ങളിൽ പരാതി ലഭിക്കുന്ന ദിവസം തന്നെ ഉത്തരവുണ്ടാകുമെന്ന്​ അബഹയിലെ ലേബർ ഓഫീസ്​ മേധാവി സാലിഹ്​ അലി മുതൈരി പറഞ്ഞു. വിവിധ രാജ്യങ്ങളുടെ കോൺസുലേറ്റ് പ്രതിനിധികളെ അബഹ ഓഫീസ് ചേംബറിൽ വിളിച്ച് നടത്തിയ യോഗത്തിൽ സംസാരിക്കുകയായിരുന്നു അദ്ദേഹം. ഇഖാമ ലഭിക്കാത്തതും കലാവധി കഴിഞ്ഞതുമായി ബന്ധപ്പെട്ട്​ ലേബർ ഓഫീസിനെ സമീപിക്കുന്ന തൊഴിലാളികളുടെ പരാതികളിന്മേൽ അന്ന് തന്നെ തീരുമാനം എടുത്ത് ഉത്തരവ്​ നൽകുമെന്ന് അദ്ദേഹം വിശദീകരിച്ചു.

സാധാരണ രീതിയിൽ മരണമടയുന്നവരുടെ സേവന ആനുകൂല്യങ്ങൾ ലഭിക്കുന്നതിന് മതിയായ രേഖകൾ സഹിതമാണ്​ ലേബർ ഓഫിസിനെ സമീപിക്കേണ്ടതെന്നും അദ്ദേഹം കൂട്ടിച്ചേർത്തു. സ്വാഭാവിക മരണം സംഭവിക്കുന്ന കേസുകളിൽ ഖബറടക്കുന്നതിനും തൊഴിലുടമയിൽനിന്ന്​ സേവനാനുകൂല്യങ്ങൾ ലഭിക്കുന്നതിനും ഒരു അനുമതി പത്രം എന്നതിന്​ പകരം രണ്ട്​ ആവശ്യങ്ങൾക്കും രണ്ട് തരം അനുമതിപത്രങ്ങളോ അല്ലങ്കിൽ ഇത്​ സംബന്ധിച്ച വ്യക്തമായ വിവരണമോ അതത്​ രാജ്യങ്ങളുടെ കോൺസുലേറ്റുകൾ ഹാജരാക്കുന്നതാണ്​ നല്ലതെന്നും അദ്ദേഹം നിർദേശിച്ചു.

മരണമടഞ്ഞവരുടെ മൃതദേഹം അടക്കം ചെയ്യുന്നതിനോ അതത് രാജ്യങ്ങളിലേക്ക്​ എത്തിക്കുന്നതിനോ ആവശ്യമായ നടപടിയും സേവന ആനുകുല്യങ്ങൾ ലഭിക്കുന്നതിനുള്ള നടപടിയും വ്യത്യസ്​തമാണെന്ന് അദ്ദേഹം പറഞ്ഞു. സേവന അനുകൂല്യങ്ങൾ ലഭിക്കുന്നതിന് കേസ് കൈകാര്യം ചെയ്ത ഉദ്യോഗസ്ഥ​െൻറ കത്ത്, മരണ സർട്ടിഫിക്കറ്റി​െൻറ ഒരു പകർപ്പ്, റസിഡൻസ് പെർമിറ്റി​െൻറയും പാസ്പോർട്ടി​െൻറയും പകർപ്പ്, മരിച്ചയാളുടെ അവകാശികൾക്കുവേണ്ടി എംബസിയോ കോൺസുലേറ്റോ സാക്ഷ്യപ്പെടുത്തിയ പവർ ഓഫ് അറ്റോർണി അല്ലെങ്കിൽ അധികാരപ്പെടുത്തൽ രേഖ, മെഡിക്കൽ റിപ്പോർട്ട്, നിയമപരമായ അവകാശികളുടെ തെളിവി​െൻറ പകർപ്പ് എന്നിവ ഹാജരാക്കണം എന്നും അദ്ദേഹം ആവശ്യപ്പെട്ടു.

ഇന്ത്യക്ക്​ വേണ്ടി കോൺസുലേറ്റ് സാമൂഹികക്ഷേമകാര്യ സമിതിയംഗം ബിജു കെ. നായർ യോഗത്തിൽ പങ്കെടുത്തു. ലേബർ ഓഫീസിലെ ഉന്നത ഉദ്യോഗസ്ഥരായ മുഹമ്മദ് മസ്തൂർ, മുസാദ് ജാബിർ ഹാദി എന്നിവരും യോഗത്തിൽ പ​ങ്കെടുത്തു.