ബഹിരാകാശ രംഗത്ത്​ സൗദി, റഷ്യ സഹകരണം

ജിദ്ദ: ബഹിരാകാശ രംഗത്ത്​ സൗദിയും റഷ്യയും സഹകരിക്കും. ഇൗ മേഖലയിലെ സഹകരണത്തിന്​ ആവശ്യമായ പദ്ധതികൾ ആവിഷ്​ക്കരി ക്കുമെന്ന്​ സൗദി സ്​പേസ്​ ഏജൻസി ചെയർമാൻ അമീർ സുൽത്താൻ ബിൻ സൽമാൻ പറഞ്ഞു. റഷ്യൻ സന്ദർശനത്തിനിടെയാണ്​ അദ്ദേഹം ഇക്കാര്യം വെളിപ്പെടുത്തിയത്​​. ബഹിരാകാശ​ രംഗത്ത്​ വൈദഗ്​ധ്യമുള്ളവർക്ക്​ പരിശീലനം, ഉപഗ്രഹ​ നിർമാണ​ മേഖലയുടെ വിപുലീകരണം എന്നിവയിലാണ്​ സംയുക്ത പദ്ധതി നടപ്പാക്കുക. ഇരു രാജ്യങ്ങളും തമ്മിലുള്ള ബന്ധം ദൃഢവും ആഴമുള്ളതുമാണെന്നും അദ്ദേഹം പറഞ്ഞു.

വിവിധ മേഖലകളിൽ ഇതിനകം നല്ല സഹകരമാണുള്ളതെന്നും അമീർ സുൽത്താൻ കൂട്ടിച്ചേർത്തു. അദ്ദേഹം മോസ്​കോയിലെ ബഹിരാകാശ ദൗത്യ കേന്ദ്രവും (സ്​പേസ്​ മിഷൻ) നിയന്ത്രണ കേന്ദ്രവും സന്ദർശിച്ചു. ഇൗ രംഗത്തെ​ സംയുക്​ത പരിശീലന, ​ഗവേഷണ സാധ്യതകളെ കുറിച്ചും​ ​സ്​പേസ്​ മിഷൻ അധികൃതരുമായി അദ്ദേഹം ചർച്ച ചെയ്​തു.