മക്കയെ ഇസ്​ലാമിക സാമ്പത്തിക തലസ്​ഥാനമാക്കണം -അമീർ ഖാലിദ്​

മക്ക: ഇസ്​ലാമിക സാമ്പത്തിക തലസ്​ഥാനമായി മക്ക നഗരത്തെ മാറ്റാ​ൻ ശ്രമിക്കേണ്ടതുണ്ടെന്ന്​ മക്ക ഗവണർ അമീർ ഖാലിദ്​ അൽഫൈസൽ. മക്ക ചേംബർ ഭരണ സമിതി അധ്യക്ഷനെയും അംഗങ്ങളെയും മക്ക ഗവർണറേറ്റ്​ ഒാഫീസിൽ​ സ്വീകരിക്കുന്നതിനിടയിലാണ്​ ഗവർണർ ഇക്കാര്യം പറഞ്ഞത്​. മക്കയിൽ നിക്ഷേപങ്ങൾ ഇനിയും സജീവമാകണം​. നഗര വികസനത്തിൽ  പങ്കാളികളാവാൻ വ്യവസായ പ്രമുഖകരെ ക്ഷണിക്കണം. മക്ക പ്രദേശത്തിനും ജനങ്ങൾക്കും ഉപകാരപ്പെടുന്ന പദ്ധതികളിൽ നിക്ഷേപമിറക്കാൻ സ്​ത്രീകൾക്കും പുരുഷന്മാർക്കും മുന്നിൽ അവസരങ്ങൾ ലഭ്യമാക്കുകയും നടപടികൾ എളുപ്പമാക്കുകയും വേണമെന്നും മക്ക ഗവർണർ പറഞ്ഞു.