സൂയസ്​ പദ്ധതി പ്രദേശം അമീർ മുഹമ്മദ്​ സന്ദർശിച്ചു

ജിദ്ദ: ഇൗജിപ്​ത്​ നടപ്പാക്കുന്ന പുതിയ സൂയസ്​ പദ്ധതി പ്രദേശം രാജ്യം സന്ദർശിക്കുന്ന അമീർ മുഹമ്മദ്​ ബിൻ സൽമാൻ സന്ദർശിച്ചു. ഇൗജിപ്​ത്​ പ്രസിഡൻറ്​ അബ്​ദുൽ ഫത്താഹ്​ അൽസീസിക്കൊപ്പമായിരുന്നു സന്ദർശനം. സൂയസ്​ കനാൽ ഇകണോമിക്​ സോൺ, തുറമുഖ നിർമാണം, മറ്റുവികസന പദ്ധതികൾ എന്നിവ അദ്ദേഹം കണ്ടു. സൂയസ്​ കനാലിന്​ താഴെ അടുത്തിടെ നിർമാണം പൂർത്തിയാക്കിയ ഇസ്​മാഇൗലിയ ടണലും ഇരുനേതാക്കളും പരിശോധിച്ചു.