അമീർ മുഹമ്മദ്​ ബിൻ സൽമാനും ഫിഫ പ്രസിഡൻറ്​ ജിയാനി ഇൻഫാൻറിനോയും ചർച്ച നടത്തി

ജിദ്ദ: സൗദി കിരീടാവകാശി അമീർ മുഹമ്മദ്​ ബിൻ സൽമാൻ അന്താരാഷ്​ട്ര ഫുട്ബാൾ അസോസിയേഷൻ (ഫിഫ) പ്രസിഡൻറ്​ ജിയാനി ഇൻഫാൻറിനോയുമായി ചർച്ച നടത്തി. റിയാദിലാണ് ഇരുവരും കൂടിക്കാഴ്​ച നടത്തിയത്​.

കായിക സഹകരണത്തിന്‍റെ മേഖലകളും അതിന്‍റെ വികസനത്തിനുള്ള സാധ്യതകളും ഇരുവരും അവലോകനം ചെയ്തു. സൗദി സ്​പോർട്​സ്​ മന്ത്രി അമീർ അബ്​ദുൽ അസീസ്​ ബിൻ തുർക്കി അൽഫൈസൽ, സൗദി ഫുട്ബോൾ അസോസിയേഷൻ പ്രസിഡൻറ്​ യാസർ അൽമിശ്​അൽ എന്നിവരും സന്നിഹിതരായിരുന്നു.

നേരത്തെ കായിക മന്ത്രി അമീർ അബ്​ദുൽ അസീസ് ബിൻ തുർക്കി അൽഫൈസൽ ഫിഫ പ്രസിഡൻറുമായി കൂടിക്കാഴ്ച നടത്തിയിരുന്നു.