ആംബുലൻസി​െൻറ വളയവും അവൾക്ക്​ വഴങ്ങും

റിയാദ്: അൽഖോബാറിലെ  ആശുപത്രയിൽ അംബുലൻസ്​ സർവീസിന്​ ഇനി ആണുങ്ങളെ കാത്തുനിൽക്കേണ്ട. പ്രത്യേകിച്ച്​ പെണ്ണുങ്ങൾക്ക്​ അടിയന്തര സേവനം ലഭിക്കാൻ. സൗദിയിൽ വനിതാഡ്രൈവിങിന്​ നിരോധം നീങ്ങിയതോടെ ആംബുലൻസ്​ മേഖലയിലും കൈവെക്കുകയാണ്​ സ്​ത്രീകൾ. ഇവിടുത്തെ ഗവൺമ​​െൻറ്​ ഡോക്​ടർമാരുടെ ടീമാണ്​ തീരുമാനമെടുത്തത്​. ഡോക്​ടർമാരും നഴ്​സ്​മാരും മറ്റ്​ പാരമെഡിക്കൽ ജീവനക്കാരും ആംബുലൻസി​​​െൻറ വളയം പിടിക്കാനൊരുങ്ങുകയാണിവിടെ.  പല കാരണങ്ങളാണ്​ ഇവർ ഇതിന്​ പറയുന്നത്​. എറ്റവും പ്രധാനപ്പെട്ടത്​ സ്വകാര്യതയാണ്​.

സ്​​ത്രീ രോഗികളുടെ  സേവനത്തിൽ കൂടുതൽ സ്വകാര്യത ഉറപ്പുവരുത്താൻ ഇതുവഴി സാധിക്കുമെന്ന്​ ഇൗ ആശയത്തിന്​ പിന്നിൽ പ്രവർത്തിക്കുന്ന ഡോ. അമൽ അൽ സുലൈബഖ്​ പറയുന്നു. ജീവാകാരുണ്യ മേഖലയിലും സ്​ത്രീകൾക്ക്​ പങ്ക്​​ വഹിക്കാനുള്ള അവസരമാണ്​ ഡ്രൈവിങ്​ നൽകുന്നതെന്ന്​ ഡോക്​ടർ പറഞ്ഞു. ഏതായാലും രാജ്യത്തി​​​െൻറ ചരിത്രം തിരുത്തിയ ആഴ്​ച തന്നെ ഡോക്​ടർമാർ ആരെയും കാത്തു നിൽക്കാതെ പുതിയ ആശയം നടപ്പാക്കിത്തുടങ്ങി. വാഹനമോടിക്കാൻ തിടുക്കം കൂട്ടിയത്​ സ്വന്തം ആവശ്യങ്ങൾ മാത്രം മുൻനിർത്തിയായിരുന്നില്ല, സാമൂഹിക പ്രതിബദ്ധത തെളിയിക്കാനുള്ള അവസരത്തിന്​ വേണ്ടി കുടിയായിരുന്നു എന്ന്​ തെളിയിച്ചിരിക്കയാണ്​ അൽഖോബാറി​ലെ ഡോക്​ടർമാർ.