അംബാസഡർ ടാലൻറ്​ അക്കാദമി ഗാന്ധിജയന്തി ആചരിച്ചു

ജിദ്ദ: അംബാസഡർ ടാലൻറ്​ അക്കാദമി ജിദ്ദ ഗാന്ധിജയന്തി ആചരിച്ചു. മഹാത്മജിയുടെ സന്ദേശങ്ങൾ എല്ലാവരിലും എത്തിക്കുകയും ജീവിതത്തിൽ പകർത്തുകയും വേണമെന്ന് യോഗം ഉദ്ഘാടനം ചെയ്​ത മുസ്തഫ പെരുവള്ളൂർ പറഞ്ഞു. നസീർ വാവ കുഞ്ഞു മുഖ്യ പ്രഭാഷണം നടത്തി. അരുവി മോങ്ങം രചിച്ച 'ഞാൻ കണ്ട ഗാന്ധിജി' എന്ന കവിത അദ്ദേഹം ആലപിച്ചു. സൈദലവി ചുക്കാൻ, ശംസുദ്ദീൻ കണ്ണൂർ, അബ്​ദുറഹ്​മാൻ, മുനീർ കടുങ്ങല്ലൂർ, റഫീഖ് വളപ്പുരം, അൻവർ സാദത്ത് എന്നിവർ സംസാരിച്ചു. ഷമീം സ്വാഗതവും മുജീബ് പാറക്കൽ നന്ദിയും പറഞ്ഞു.