സൗ​ദി ദേ​ശീ​യ​ദി​നം ആ​ഘോ​ഷി​ച്ച് അ​ലി​ഫ് സ്കൂ​ൾ

റി​യാ​ദ്: 93ാമ​ത് സൗ​ദി ദേ​ശീ​യ​ദി​നം വി​പു​ല​മാ​യ ക​ലാ​പ​രി​പാ​ടി​ക​ളോ​ടെ ആ​ഘോ​ഷി​ച്ച് റി​യാ​ദി​ലെ അ​ലി​ഫ് ഇ​ൻ​റ​ർ​നാ​ഷ​ന​ൽ സ്കൂ​ൾ. വി​ക​സ​ന​ക്കു​തി​പ്പി​​ന്റെ​യും പ്ര​ത്യാ​ശ​യു​ടെ​യും ഒ​മ്പ​തു പ​തി​റ്റാ​ണ്ടു​ക​ൾ പി​ന്നി​ട്ട സൗ​ദി​യു​ടെ സാം​സ്കാ​രി​ക മു​ന്നേ​റ്റം അ​ട​യാ​ള​പ്പെ​ടു​ത്തു​ന്ന വ​ർ​ണാ​ഭ ഘോ​ഷ​യാ​ത്ര​യോ​ടെ​യാ​ണ് ആ​ഘോ​ഷ​പ​രി​പാ​ടി​ക​ൾ​ക്ക് തു​ട​ക്കം കു​റി​ച്ച​ത്. കെ.​ജി മു​ത​ൽ 10ാം ക്ലാ​സ് വ​രെ​യു​ള്ള വി​വി​ധ രാ​ജ്യ​ങ്ങ​ളി​ലെ വി​ദ്യാ​ർ​ഥി​ക​ൾ അ​ണി​നി​ര​ന്ന നി​റ​പ്പ​കി​ട്ടാ​ർ​ന്ന ഘോ​ഷ​യാ​ത്ര പ്രേ​ക്ഷ​ക​ർ​ക്ക് ന​വ്യാ​നു​ഭ​വ​മാ​യി.

സാ​മൂ​ഹി​ക​പു​രോ​ഗ​തി​യു​ടെ​യും സാ​മ്പ​ത്തി​ക വ​ള​ർ​ച്ച​യു​ടെ​യും സൗ​ദി​മാ​തൃ​ക അ​ട​യാ​ള​പ്പെ​ടു​ത്തു​ന്ന നി​ര​വ​ധി ക​ലാ​പ​രി​പാ​ടി​ക​ൾ​ക്ക് വി​വി​ധ ഗ്രേ​ഡു​ക​ളി​ലെ വി​ദ്യാ​ർ​ഥി​ക​ൾ നേ​തൃ​ത്വം ന​ൽ​കി. മി​ലി​ട്ട​റി ഡാ​ൻ​സും പ​ര​മ്പ​രാ​ഗ​ത ഡാ​ൻ​സും ശ്ര​ദ്ധേ​യ​മാ​യി. പ്രൗ​ഢ​മാ​യ സം​ഗ​മ​ത്തി​ൽ ത​ലാ​ൽ ഹു​സൈ​ൻ അ​ൽ മു​ഹ്സി​ൻ മു​ഖ്യാ​തി​ഥി​യാ​യി. അ​ലി​ഫ് ഗ്രൂ​പ് ഓ​ഫ് സ്കൂ​ൾ എ​ക്സി​ക്യൂ​ട്ടി​വ് ഡ​യ​റ​ക്ട​ർ ലു​ഖ്മാ​ൻ പാ​ഴൂ​ർ അ​ധ്യ​ക്ഷ​ത വ​ഹി​ച്ചു. പ്രി​ൻ​സി​പ്പ​ൽ അ​ബ്​​ദു​ൽ മ​ജീ​ദ്, മാ​നേ​ജ​ർ​മാ​രാ​യ മു​ഹ​മ്മ​ദ് അ​ൽ ഖ​ഹ്താ​നി, മു​നീ​റ അ​ൽ സ​ഹ്​​ലി, ഹെ​ഡ്മി​സ്ട്ര​സ് ഹ​മീ​ദാ​ബാ​നു, അ​ഡ്മി​നി​സ്ട്രേ​റ്റ​ർ അ​ലി ബു​ഖാ​രി എ​ന്നി​വ​ർ ച​ട​ങ്ങി​ൽ സം​ബ​ന്ധി​ച്ചു. നൗ​ഷാ​ദ് നാ​ല​ക​ത്ത് ന​ന്ദി പ​റ​ഞ്ഞു.