അൽഹറമൈൻ ട്രെയിൻ സർവീസുകളുടെ എണ്ണം ആയിരം കവിഞ്ഞു

ജിദ്ദ: അൽഹറമൈൻ ട്രെയിൻ സർവീസുകളുടെ എണ്ണം ആയിരം കവിഞ്ഞു. ഞായറാഴ്​ച ഉച്ചക്ക്​ 12 മണിക്കാണ്​ ആയിരത്താമത്തെ സർവീസ് ​​​ മക്കയിൽ നിന്ന്​ മദീനയിലേക്ക്​ തിരിച്ചത്​​. ഇ​ത്രയും സർവീസുകളിലായി ഏകദേശം നാല്​ ലക്ഷത്തിലധികം യാത്രക്കാരെ ലക്ഷ്യസ്​ഥാനത്തെത്തിച്ചതായി ഒാപറേഷൻ ആൻറ്​ മെയിൻറനൻസ്​ മേധാവി എൻജി. റയ്യാൻ അൽഹർബി പറഞ്ഞു. റമദാനിൽ സർവീസുകളുടെ എണ്ണം ദിവസം 58 ലധികമാകും. വരും മാസങ്ങളിൽ സർവീസുകളുടെ എണ്ണം ഇനിയും വർധിക്കുമെന്നും അദ്ദേഹം പറഞ്ഞു. കഴിഞ്ഞ ഒക്​ടോബറിലാണ്​ അൽഹറമൈൻ ട്രെയിൻ സർവീസ്​ ആരംഭിച്ചത്​.
സർവീസുകളുടെ എണ്ണം ക്രമാനുഗതമായി കൂട്ടികൊണ്ടിരിക്കുകയാണ്​. റമദാനിലെ യാത്ര ഷെഡ്യൂൾ തിങ്കളാഴ്​ച​ മുതൽ ആരംഭിക്കും.