വേ​ന​ൽ​കാ​ല ഉ​ല്ലാ​സ​ത്തി​ന് വി​രു​ന്നൊ​രു​ക്കി താ​ഇ​ഫി​ലെ അ​ൽ-​ശി​ഫ

ത്വാ​ഇ​ഫ്: വേ​ന​ൽ​കാ​ല ഉ​ല്ലാ​സ​ത്തി​ന് സ​ന്ദ​ർ​ശ​ക​രെ മാ​ടി​വി​ളി​ച്ച് താ​ഇ​ഫി​ലെ പ്ര​കൃ​തി ര​മ​ണീ​യ​മാ​യ അ​ൽ-​ശി​ഫ പ്ര​ദേ​ശം. സൗ​ദി​യു​ടെ പ​ടി​ഞ്ഞാ​റ​ൻ മേ​ഖ​ല​യി​ലെ പ്ര​ധാ​ന​പ്പെ​ട്ട ടൂ​റി​സ്​​റ്റ്​ മേ​ഖ​ല​യി​ൽ പ്ര​സി​ദ്ധ​മാ​യ ത്വാ​ഇ​ഫി​ലെ വേ​ന​ൽ​കാ​ല റി​സോ​ർ​ട്ടു​ക​ളി​ൽ പ്ര​സി​ദ്ധ​മാ​യ ഒ​രി​ടം കൂ​ടി​യാ​ണ് അ​ൽ-​ശി​ഫ മേ​ഖ​ല. സൗ​ദി​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്ന് വേ​ന​ൽ​കാ​ല വി​നോ​ദ​സ​ഞ്ചാ​ര​ത്തി​നാ​യി സ​ന്ദ​ർ​ശ​ക​ർ ധാ​രാ​ളം ഇ​വി​ടെ എ​ത്തു​ന്നു​ണ്ട്.

വ​ള​രെ മ​നോ​ഹ​ര​മാ​യ പ്ര​കൃ​തി​യും മി​ത​മാ​യ കാ​ലാ​വ​സ്ഥ​യും വ​ർ​ണാ​ഭ​മാ​യ കാ​ഴ്ച​ക​ളും ആ​വോ​ളം നു​ക​ർ​ന്നാ​ണ് സ​ഞ്ചാ​രി​ക​ൾ ഇ​വി​ടെ​നി​ന്ന് മ​ട​ങ്ങാ​റ്. ത്വാ​ഇ​ഫ് ന​ഗ​ര​ത്തി​ൽ​നി​ന്ന് തെ​ക്ക് പ​ടി​ഞ്ഞാ​റ് ഭാ​ഗ​ത്ത് 30 കി​ലോ​മീ​റ്റ​ർ അ​ക​ലെ സ്ഥി​തി​ചെ​യ്യു​ന്ന ഈ ​താ​ഴ്വ​ര​ക​ളു​ടെ പ്ര​ദേ​ശം ഏ​ക​ദേ​ശം പ​തി​നാ​യി​രം ച​തു​ര​ശ്ര കി​ലോ​മീ​റ്റ​ർ വി​ശാ​ല​മാ​ണ്. സ​മു​ദ്ര​നി​ര​പ്പി​ൽ നി​ന്ന് 2,240 മീ​റ്റ​ർ ഉ​യ​ര​ത്തി​ലു​ള്ള പ്ര​ദേ​ശ​ത്തി​െൻറ ന​യ​നാ​ന​ന്ദ​ക​ര​മാ​യ കാ​ഴ്ച ആ​സ്വ​ദി​ക്കാ​ൻ വി​ദേ​ശി​ക​ള​ട​ക്കം വാ​രാ​ന്ത്യ അ​വ​ധി ദി​ന​ങ്ങ​ളി​ൽ ന​ല്ല ഒ​ഴു​ക്കാ​ണ്. വൈ​കു​ന്നേ​ര​ങ്ങ​ളി​ൽ കു​ടും​ബ​ത്തോ​ടൊ​പ്പം എ​ത്തു​ന്ന സ​ന്ദ​ർ​ശ​ക​ർ വ​ശ്യ മ​നോ​ഹ​ര​മാ​യ കാ​ഴ്ച​ക​ൾ പ​ക​ർ​ത്തി​യും സെ​ൽ​ഫി​യെ​ടു​ത്തും അ​ൽ-​ശി​ഫ മേ​ഖ​ല​യി​ൽ സ​ജീ​വ​മാ​കു​ന്ന കാ​ഴ്ച കാ​ണാം.

വേ​ന​ൽ കാ​ല​ത്തും മൂ​ട​ൽ​മ​ഞ്ഞി​ൽ പൊ​തി​ഞ്ഞ അ​തു​ല്യ​മാ​യ പ്ര​കൃ​തി ചാ​രു​ത വി​നോ​ദ​സ​ഞ്ചാ​രി​ക​ളെ ഇ​ങ്ങോ​ട്ട്​ ആ​ക​ർ​ഷി​ക്കു​ന്ന ഘ​ട​ക​മാ​ണ്.

രാ​ത്രി​യി​ലെ ത​ണു​പ്പു​ള്ള കാ​ലാ​വ​സ്ഥ​യും സ​ന്ദ​ർ​ശ​ക​രെ മാ​ടി​വി​ളി​ക്കാ​ൻ കാ​ര​ണ​മാ​ണ്. വ്യ​ത്യ​സ്ത സൗ​ക​ര്യ​ങ്ങ​ളു​ള്ള റി​സോ​ർ​ട്ടു​ക​ളും ക​ഫേ​ക​ളും സ​ന്ദ​ർ​ശ​ക​ർ​ക്കാ​യി ഇ​വി​ടെ​യു​ണ്ട്. പ​ച്ച​വി​രി​ച്ചു​നി​ൽ​ക്കു​ന്ന മ​നോ​ഹ​ര​മാ​യ കാ​ഴ്ച​യും തോ​ട്ട​ങ്ങ​ളി​ൽ വി​ള​ഞ്ഞു​നി​ൽ​ക്കു​ന്ന വൈ​വി​ധ്യ​മാ​ർ​ന്ന ഫ​ല​ങ്ങ​ളും അ​ക​ലെ​യാ​യി റോ​സാ​പ്പൂ​ന്തോ​ട്ട​ങ്ങ​ളു​മെ​ല്ലാം ഹൃ​ദ്യ​മാ​യ കാ​ഴ്‌​ച​ഭം​ഗി​യാ​ണ് പ​കു​ത്തു​ന​ൽ​കു​ന്ന​ത്.