ഉത്സവങ്ങളുടെ കിഴക്കൻ കാലം; ശ്രദ്ധേയമായി ​‘സാംസ്കാരിക ഗ്രാമം’

ദമ്മാം: ‘മൗസം ഷർഖിയ്യ’ എന്ന പേരിൽ സൗദി കിഴക്കൻ പ്രവിശ്യയിലെ ഉത്സവകാലത്തിന് തിരിതെളിഞ്ഞു. കലാ സാസ്കാരിക വിസ്മ യങ്ങളുടെ രണ്ടു വാരങ്ങളിലേക്ക്​ കടലോരനഗരം കടന്നു. അൽഖോബാർ കോർണീഷിൽ പ്രത്യേകമായ ഒരുക്കിയ സാംസ്കാരിക ഗ്രാമം സന ്ദർശകരെ കൊണ്ട് നിറഞ്ഞൊഴുക​ുകയാണ്​.

അയ്യായിരം പേരെ ഉൾകൊള്ളാൻ കഴിയുന്ന വിധത്തിലാണ് കൾച്ചറൽ വില്ലേജി​​െൻറ നഗരിസംവിധാനം. സൗദി അറേബ്യയുടെ വിവിധ മേഖലകളെ പ്രതിനിധീകരിക്കുന്ന 13 പവലിയനുള്ളിൽ കൈത്തറി, കൊല്ലപ്പണി, അശാരിപ്പണി തുടങ്ങിയവയിൽ നിന്നുള്ള കരകൗശല വസ്തുക്കൾ ഉൾക്കൊള്ളിച്ചിട്ടുണ്ട്. സന്ദർശകർക്ക് ആസ്വദിക്കാനും രാജ്യത്തി​​െൻറ പൂർവകാല പ്രതാപം മനസ്സിലാകാനും ഇത് വഴിയൊരുക്കുന്നു.

കുട്ടികളെ ഗ്രാമത്തിൽ പ്രത്യേകമായി പരിഗണിച്ചിട്ടുണ്ട്. വ്യത്യസ്ത പ്രായത്തിലുള്ള കുട്ടികൾക്ക് പ്രത്യേകമായ പരിപാടികളുണ്ട്. സ്വദേശികൾ മാത്രമായി നടത്തുന്ന 18 ഹോട്ടലുകളും കഫേകളും സൗദിവത്​കരണത്തി​​െൻറ സ്വീകാര്യത വിളിച്ചോതുന്നു. സന്ദർശകർക്ക് അവരുടെ താൽപര്യങ്ങൾക്കനുസരിച്ച് ആസ്വദിക്കാൻ കഴിയുന്ന വിധത്തിലാണ് നഗരിസംവിധാനം. സദാ സന്നദ്ധരായ സേവന വിഭാഗവും സുരക്ഷാ സംവിധാനവുമുണ്ട്.