എ.കെ.ജി-ഇ.എം.എസ് അനുസ്മരണം

ബുറൈദ: ഖസീം പ്രവാസിസംഘം കേന്ദ്ര കമ്മിറ്റിയുടെ നേതൃത്വത്തിൽ എ.കെ.ജി, ഇ.എം.എസ് അനുസ്മരണം സംഘടിപ്പിച്ചു. മുഖ്യ രക്ഷാധികാരി ഷാജി വയനാട്​ അധ്യക്ഷത വഹിച്ചു.

റിയാദ് കേളി കേന്ദ്രകമ്മിറ്റി അംഗവും ചില്ല സർഗവേദി കോഓഡിനേറ്ററുമായ സി.എം. സുരേഷ്‌ലാൽ ഓൺലൈനിലൂടെ ഉദ്ഘാടനം ചെയ്തു. ദിനേശ് മണ്ണാർക്കാട് അനുശോചന പ്രമേയം അവതരിപ്പിച്ചു. കേന്ദ്ര കമ്മിറ്റി അംഗം മനാഫ് ചെറുവട്ടൂർ സംസാരിച്ചു. ഖസീം പ്രവാസി സംഘം കേന്ദ്ര, ഏരിയ കമ്മിറ്റി അംഗങ്ങൾ പങ്കെടുത്തു. ആക്ടിങ് സെക്രട്ടറി ഉണ്ണി കണിയാപുരം സ്വാഗതവും റഷീദ് മൊയ്‌ദീൻ നന്ദിയും പറഞ്ഞു.