എ.കെ 103 തോക്ക്​ സൗദിയില്‍ നിര്‍മിക്കാന്‍ റഷ്യയുമായി കരാര്‍  

റിയാദ്: എ.കെ 103 സൗദിയില്‍ നിര്‍മിക്കാന്‍ റഷ്യയുമായി കരാര്‍ ഒപ്പുവെച്ചതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. ആഭ്യന്തര സൈനിക വ്യവസായം പ്രോല്‍സാഹിപ്പിക്കുന്നതി​​െൻറ ഭാഗമായി സല്‍മാന്‍ രാജാവി​​െൻറ റഷ്യന്‍ പര്യടനവേളയിലാണ് ഇരു രാജ്യങ്ങളും   കരാറില്‍ ഒപ്പുവെച്ചത്. കരാറി​​െൻറ അടിസ്ഥാനത്തില്‍ എ.കെ 103 തോക്കുകള്‍, അവയുടെ തിരകള്‍ എന്നിവ സൗദിയില്‍ നിര്‍മിക്കാനാവും. സൗദി വിദേശത്തുനിന്ന് ആയുധം ഇറക്കുമതി ചെയ്യുന്നത് കുറക്കാന്‍ ആഭ്യന്തര സൈനിക വ്യവസായം വര്‍ധിപ്പിക്കുമെന്ന് പ്രതിരോധ മന്ത്രി കൂടിയായ കിരീടാവകാശി അമീര്‍ മുഹമ്മദ് ബിന്‍ സല്‍മാന്‍ നേരത്തെ വ്യക്തമാക്കിയിരുന്നു.