വിമാനത്താവളത്തിലെ ‘സഹായി’ ചതിച്ചു;  അപരിചിത​െൻറ ലഗേജ്​ വാങ്ങിയ കുടുംബം കുടുങ്ങി

ജിദ്ദ: വിമാനത്താവളത്തിലെ ‘സഹായി’യുടെ വാക്ക്​ കേട്ട്​ അപരിചിത​​െൻറ ലഗേജ്​ സ്വീകരിച്ച മലയാളി കുടുംബം കുടുങ്ങി. മലപ്പുറം സ്വദേശിയുടെ കുടുംബമാണ്​ കഴിഞ്ഞ ദിവസം ജിദ്ദ വിമാനത്താവളത്തിൽ പിടിയിലായത്​.  ലഗേജ് കൂടുതലായതിനെ തുടർന്ന്​ ‘സഹായ’ത്തിന്​ സമീപിച്ചയാളാണ്​ ഇവരെ വെട്ടിലാക്കിയത്​. യുവാവും ഭാര്യയും ഒന്നരവയസുള്ള കുട്ടിയുമാണ്​ യാത്രക്കൊരുങ്ങിയത്​​. സുഹൃത്തി​െൻറ ഗൃഹപ്രവേശത്തിനുള്ള സാധനങ്ങളും ഉണ്ടായിരുന്നതിനാൽ ലഗേജ് കൂടുതൽ ഉണ്ടായിരുന്നു​. 

അതിനുള്ള മാർഗം തേടവേയാണ്​ വിമാനത്താവളത്തിൽ ചുറ്റി പറ്റി നടക്കുന്ന മലയാളിയെ കുറിച്ച്​ അറിഞ്ഞത്​. അധിക ലഗേജ്​ അയച്ചുതരാമെന്ന്​ ഇയാൾ വാഗ്​ദാനം നൽകി. രാവിലെയുള്ള വിമാനത്തിന് സാധനങ്ങൾ ലഗേജിൽ വിടാൻ രാത്രി 12.30നാണ്​ മലപ്പുറംകാരൻ എത്തിയത്​. വാഹനം പാർക്കിങ്ങിൽ നിർത്തി വിളിച്ചപ്പോൾ, ലഗേജ്​ അയക്കാൻ സഹായിക്കാമെന്ന്​ പറഞ്ഞയാൾ അൽപം മാറി വണ്ടി നിർത്തിയിരിക്കുകയാണെന്നും അധികമുള്ള പെട്ടിയുമായി അങ്ങോട്ട് വരാൻ പറയുകയും ചെയ്തു. അവിടെ എത്തിയപ്പോഴാണ്​ ‘സഹായി’​ക്കൊപ്പം വേറെ ഒരാളെയും കണ്ടത്​. ഇയാളുടെ മൂന്ന് കിലോ സാധനം നാട്ടിലേക്ക് കൊടുത്തയക്കാൻ ഉണ്ടെന്നും ഇത് നിങ്ങളുടെ പെട്ടിയിൽ ഇടണമെന്ന് അഭ്യർഥിക്കുകയും ചെയ്തു. കാരക്കയും മിഠായിയും ഒരു സ്പ്രേയുമാണ് ഉള്ളതെന്നും പറഞ്ഞ്​ എല്ലാം തുറന്ന് കാണിക്കുകയും ചെയ്തു. 

മറ്റുപെട്ടികൾ എടുക്കാൻ മലപ്പുറം സ്വദേ​ശി പോയ സമയത്ത്, അയാൾ അറിയാതെ ഇവർ അഞ്ചു സ്പ്രേ കുപ്പികൾ കൂടി ഈ പെട്ടിയിൽ വെച്ച് കെട്ടി. ഇതൊന്നും മലപ്പുറംകാരൻ അറഞ്ഞില്ല. ലഗേജ് കയറ്റി ബോർഡിങ് പാസ് എടുത്ത് റൂമിലേക്ക് വന്ന ഉടനെ ലഗേജിൽ പ്രശ്​നമുണ്ടെന്ന്​ പറഞ്ഞ്​ എയർപോർട്ടിൽ നിന്നും ഫോൺ വന്നു. അവിടെ എത്തി പെട്ടി പൊട്ടിച്ച് നോക്കു​േമ്പാഴാണ്​ മലപ്പുറം സ്വദേശി ഞെട്ടിയത്​. താൻ കാണാത്ത സ്പ്രേ കുപ്പികൾ. കുപ്പികൾക്ക്​​ അടിയിൽ ഒട്ടിച്ച രീതിയിൽ ബാറ്ററിയും എട്ട് സ്വർണ ബിസ്കറ്റുകളും. ഇത്​ പലരീതിയിലുള്ള പേപ്പറുകൾ കൊണ്ട് പൊതിഞ്ഞിരിക്കുകയും ചെയ്തിരുന്നു. മൊത്തം ഒന്നരലക്ഷം റിയാലിന്​ അടുത്ത്​ വിലവരുന്നതായിരുന്നു ഇൗ സ്വർണം. പരിഭ്രാന്തനായ ഇയാളോട്​ ഉദ്യോഗസ്​ഥർ ഇതി​​െൻറ ബില്ല്​ ആവശ്യപ്പെട്ടു. ഇവ ത​േൻറതല്ലെന്നും സുഹൃത്ത് വഴി തന്നതാണെന്നും പറഞ്ഞു.

നാട്ടിൽ പോകാനുള്ള കുടുംബത്തി​െൻറ പാസ്പോർട്ടും ഇഖാമയും ഉദ്യോഗസ്​ഥർ വാങ്ങുകയും ചെയ്തു. സാമൂഹ്യ പ്രവർത്തകരും സ്പോൺസറും ഇടപെട്ടതിനെ തുടർന്ന്​ ഭാര്യയെയും കുട്ടിയെയും അടുത്ത ദിവസം രാവിലെ മോചിപ്പിച്ചെങ്കിലും കുടുംബനാഥനെ അറസ്​റ്റ്​ ചെയ്തു. കാര്യങ്ങൾ വിശദീകരിച്ച്, താൻ വഞ്ചിക്കപ്പെട്ടതാണെന്ന്​ മലപ്പുറംകാരൻ എഴുതികൊടുത്തു. തങ്ങളുടെതാണ്​ സ്വർണമെന്ന്​ കയറ്റിഅയക്കാൻ ശ്രമിച്ചവരും എഴുതി നൽകി. തുടർന്ന്​ മലപ്പുറംകാരനെ വിട്ടയച്ചെങ്കിലും സ്വർണത്തി​​െൻറ ബില്ലോ രേഖക​േളാ ഹാജരാക്കാൻ സംഘത്തിന്​ കഴിയാത്തതിനാൽ കേസിൽ നിന്ന്​ വിമുക്​തി നേടാൻ കഴിഞ്ഞില്ല. ത​​െൻറ പേരിലുള്ള നൂലാമാലകൾ തീർക്കാനും ഈ സ്വർണം തേൻറതല്ലത് വരുത്താനുള്ള കടലാസുകൾ ശരിയാക്കാനും മലപ്പുറംകാരൻ ഇപ്പോൾ കോടതി കയറിയിറങ്ങുകയാണ്​.  സ്പോൺസറുടെ നേതൃത്വത്തിൽ തന്നെ വഞ്ചിച്ചവർക്കെതിര  നിയമ നടപടിക്ക് ഒരുങ്ങുകയാണ് ഇദ്ദേഹം. ഭാര്യയേയും കുട്ടിയേയും ഉടൻ തന്നെ നാട്ടിലേക്ക് അയക്കാനുള്ള നടപടികളും സാമൂഹ്യ പ്രവർത്തകൻ തമ്പി എടിക്കരയുടെ നേതൃത്വത്തിലാണ്  ചെയ്തു വരുന്നത്​.