റിയാദിനെ ലക്ഷ്യമാക്കി വ്യോമായുധം: ആകാശത്ത്​ വെച്ച്​ തകർത്തു

റിയാദ്​: സൗദി തലസ്ഥാന നഗരത്തെ ലക്ഷ്യമാക്കി ശത്രുക്കളയച്ച വ്യോമായുധത്തെ ആകാശത്ത്​ വെച്ച്​ തന്നെ സൗദി റോയൽ എയർ ഡിഫൻസ്​ ഫോഴ്​സ്​ തകർത്തു. ശനിയാഴ്​ച രാവിലെ 11ഒാടെയാണ്​ യമനി വിമത സായുധ സംഘമായ ഹൂതികൾ അയച്ചതെന്ന്​ കരുതുന്ന വ്യോമായുധം​ റിയാദിന്​ നേർക്ക്​​ വന്നത്​​.

എന്നാൽ ലക്ഷ്യം കാണും മുമ്പ്​ തന്നെ അതിനെ​ വായുവിൽ വെച്ച് തകർത്തെന്ന്​ യമന്​ വേണ്ടിയുള്ള സഖ്യസേന വക്താവ്​ കേണൽ തുർക്കി അൽമാലിക്കി അറിയിച്ചു. വൻ സ്​ഫോടന ശബ്​ദമാണ്​ കേട്ടതെന്ന്​ നഗരവാസികളിൽ ചിലർ അറിയിച്ചു.

സൗദി റോയൽ എയർ ഡിഫൻസ്​ ഫോഴ്​സ്​ തൊടുത്ത പ്രതിരോധായുധം​ ശത്രു ലക്ഷ്യത്തെ തകർക്കുന്ന ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുന്നുണ്ട്​. ശത്രുക്കളുടെ ആയുധത്തെ വെറും പുകയാക്കി ഇല്ലാതാക്കുന്നതാണ്​ ദൃശ്യങ്ങളിൽ.