എയർആംബുലൻസിൽ ഇന്ത്യൻ തീർഥാടകയെ ആശുപത്രിയിലെത്തിച്ചു

മക്ക: അറഫ സംഗമത്തിനിടെ ഹൃദയാസ്വാസ്ഥ്യം അനുഭവപ്പെട്ടതിനെ തുടർന്ന് ഇന്ത്യൻ തീർഥാടകയെ എയർആംബുലൻസിൽ മക്കയിലെ കിങ് അബ്ദുല്ല മെഡിക്കൽ സിറ്റി ആശുപത്രിയിൽ എത്തിച്ചതായി അധികൃതർ അറിയിച്ചു. ഹൃദയാഘാതമാണ് ഉണ്ടായത് എന്ന് ആശുപത്രി അധികൃതർ സ്ഥിരീകരിച്ചു. ഇവർക്ക് മതിയായ ചികിത്സ ലഭ്യമാക്കുന്നുണ്ട്. ഏത് സംസ്ഥാനത്തുനിന്നുള്ള തീർഥാടകയാണെന്ന് വ്യക്തമായിട്ടില്ല.