‘ഞാൻ മയക്കത്തിലാവു​േമ്പാൾ എെന്റെ ശരീരത്തിൽ നിന്ന്​ കുഞ്ഞനിയ​െൻറ ചികിൽസക്ക്​ ​ വേണ്ടതെല്ലാമെടുത്തോളൂ....’

ജിദ്ദ: ‘ഞാൻ മയക്കത്തിലാവു​േമ്പാൾ ത​​െൻറ ശരീരത്തിൽ നിന്ന്​ കുഞ്ഞനിയ​​െൻറ ചികിൽസക്ക്​ ​ വേണ്ടതെല്ലാമെടുത്തോളൂ, ഒന്നും തിരിച്ചുവെക്കേണ്ടതില്ല......’ സഹോദരന്​​ രക്​താർബുദം മാറാൻ സ്വന്തം മജ്ജ നൽകുന്നതിന്​ മുമ്പ്​ അമേരിക്കയിലെ ആശുപത്രിയിൽ സൗദി ബാലൻ പുഞ്ചിരിയോടെ പറഞ്ഞ വാക്കുകൾ ഡോക്​ടർമാരെയും പരിചാരകരെയും അമ്പരപ്പിച്ചു.

അമേരിക്കയിലെ  മയോ ക്ലിനിക്കിലാണ്​ ദമ്മാമിൽ നിന്നുള്ള കുടുംബത്തിലെ  അഹമദ്​ രകാൻ എന്ന പത്ത്​ വയസ്​ പോലും തികയാത്ത  കുട്ടി  സ്​ഥൈര്യവും സഹോദര സ്​നേഹവും സമർപ്പണ മനോഭാവവും കൊണ്ട്​  ബഹുമാന്യനായത്. ലോക പ്രശസ്​ത ആതുരാലയമായ മയോ ക്ലിനിക്​  ‘മെഡൽ ഒാഫ്​ കറേജ്’ അവാർഡ്​ നൽകി ആദരിച്ചിരിക്കയാണ്​ ​അഹമദ്​ രകാനെ. ഹഫർ അൽ ബാത്വിനിലെ   ആരോഗ്യമന്ത്രാലയം ഒാഫിസിൽ ജോലി ചെയ്യുന്ന  രകാൻ അൽ ഷമ്മാരിയുടെ മൂത്ത മകനാണ്​ അഹമദ്​ രകാൻ. രണ്ടാമത്തെ കുഞ്ഞ്​ സിയാദിന്​ ഒരു വർഷം മുമ്പാണ്​ രക്​താർബുദം കണ്ടു പിടിച്ചത്​.  ദമ്മാമിലെ ആശുപത്രിയിൽ കീമോ തെറാപ്പി നടത്തിയെങ്കിലും ഫലം കണ്ടില്ല. അങ്ങനെയാണ്​ അമേരിക്കയിലെ റോചെസ്​റ്ററിലുള്ള മയോ ക്ലിനിക്കിൽ ചികിൽസക്കു കൊണ്ടു പോയത്​. മജ്ജ  മാറ്റിവെക്കൽ ശസ്​ത്രക്രിയായിരുന്നു ഡോക്​ടർമാർ നിർദേശിച്ച പരിഹാരം.  മജ്ജ നൽകാൻ പിതാവിലടക്കം  പലരിലും പരിശോധന നടത്തി. അഹമദ് ​രകാ​​െൻറ മജ്ജയാണ്​ സിയാദിന്​ ഏറ്റവും ചേരുകയെന്ന്​ കണ്ടെത്തി. 

ഇതറിഞ്ഞതോടെ  അഹമദ്​ രകാന്​ സന്തോഷമായി. കുഞ്ഞനിയൻ സിയാദി​​െൻറ രോഗം മാറാൻ ത​​െൻറ  ശരീരത്തിൽ നിന്ന്​ എന്തും നൽകാൻ തയാറായിരുന്നു അവൻ. പക്ഷെ ഉമ്മക്ക്​ വലിയ ആശങ്ക. സങ്കീർണമായ ശസ്​ത്രക്രിയ അഹമദ്​ രകാ​​െൻറ ആരോഗ്യത്തിന്​ പ്രയാസമുണ്ടാക്കുമോ എന്ന ഉൽകണ്​ഠയായിരുന്നു ഉമ്മക്ക്​. ഡോക്​ടർമാർ അഹമദ്​ രകാ​​െൻറ മനസ്​ അറിയാൻ പല തവണ അവനുമായി സംസാരിച്ചു. 

എന്നാൽ താൻ  എന്തിനും റെഡി​   എന്നായിരുന്നു അവ​​െൻറ മറുപടി. അവസാന നിമിഷം അവ​​െൻറ മനം മാറുമോ എന്നറിയാൻ ഒാപറേഷൻ തിയറ്ററിലും ഡോക്​ടർമാർ ശ്രമം നടത്തി. അവനുമായി അവ​​െൻറ ഭാഷയിൽ സംസാരിക്കാൻ ആളെ ഏർപാടാക്കി. ഏറ്റവുമൊടുവിൽ അനസ്​തേഷ്യ വിദഗ്​ധനോട്​ അഹമദ്​ രകാൻ പുഞ്ചിരിയോടെ പറഞ്ഞു. ‘ഞാൻ മയക്കത്തിലായാൽ  ത​​െൻറ ശരീരത്തിൽ നിന്ന്​ സിയാദിന്​ വേണ്ടതെല്ലാം എടുത്തോളൂ... ’ ഇത്​ കേട്ട ഡോക്​ടർമാർ മനസ്സാന്നിധ്യം വീണ്ടെടുത്ത്​ അഹമദ്​ രകാനെ മയക്കി  ശസ്​ത്രക്രിയ നടത്തി.  

ശസ്​ത്രക്രിയ പൂർണവിജയമായെന്ന്​ ഡോക്​ടർമാർ അറിയിച്ചതായി പിതാവ്​ രകാൻ ഷമ്മാരി പറഞ്ഞു. മജ്ജ മാറ്റിവെച്ച ശേഷം സിയാദ്​ സുഖം പ്രാപിച്ചു വരുന്നു. അഹമദ്​ രകാൻ ആശുപത്രിയിൽ നിന്ന്​ ഡിസ്​ചാർജായി. ഏറെ സന്തോഷവാനാണ്​ അവൻ. ആശുപത്രിയിലെ താരം. സിയാദിന്​  ഇനിയും ആശുപത്രിയിൽ ദീർഘകാലം കഴിയേണ്ടതുണ്ട്​. മക​​െൻറ ചികിൽസാവശ്യാർഥം ഒരു വർഷത്തെ ലീവിൽ പ്രവേശിച്ചിരിക്കയാണ്​ താനെന്ന്​ രകാൻ ഷമ്മാരി പറഞ്ഞു. കുഞ്ഞനിയൻ സുഖം പ്രാപിക്കുന്നു എന്ന കാര്യം അഹമദ്​ രഖാനെ സന്തോഷം കൊണ്ട്​ വീർപുമുട്ടിക്കുന്നു.