വിമാനത്താവളം: സ്വകാര്യകമ്പനികളുമായി കരാറിൽ ഒപ്പുവെച്ചു

ജിദ്ദ: രാജ്യത്തെ വിവിധ വിമാനത്താവളങ്ങളുടെ നിർമാണത്തിനും ഒാപറേഷനും ദേശീയ അന്തർദേശീയ കമ്പനികളുമായി നിരവധി കരാറുകളിൽ ഗതാഗത മന്ത്രിയും സിവിൽ ഏവിയേഷൻ അതോറിറ്റി ഭരണസമിതി അധ്യക്ഷനുമായ സുലൈമാൻ ബിൻ അബ്​ദുല്ല അൽഹംദാൻ ഒപ്പുവെച്ചു. ജിദ്ദ കിങ്​ അബ്​ദുൽ അസീസ്​ അന്താരാഷ്​ട്ര വിമാനത്താവളം, ത്വാഇഫ്​ അന്താരാഷ്​ട്ര വിമാനത്താവളം, ഖസീം അമീർ നാഇഫ്​ ബിൻ അബ്​ദുൽ അസീസ്​ വിമാനത്താവളം, ഹാഇൽ അന്താരാഷ്​ട്ര വിമാനത്താവളം, യാമ്പു അമീർ അബ്​ദുൽ മുഹ്​സിൻ ബിൻ അബ്​ദുൽ അസീസ്​ വിമാനത്താവളം എന്നിവ ഇതിലുൾപ്പെടും. 
വിമാനത്താവള പദ്ധതികളിലും ആ മേഖലയിലെ തടസ്സങ്ങൾ ഇല്ലാതാക്കുന്നതിനും  നിക്ഷേപങ്ങൾ വർധിപ്പിക്കുന്നതിനും സ്വകാര്യ മേഖലയുടെ പങ്കാളിത്തത്തോടെ സിവിൽ ഏവിയേഷൻ നടപ്പിലാക്കാൻ ​ഉദ്ദേശിക്കുന്ന പദ്ധതിയുടെ ഭാഗമാണ്​ കരാറുകളെന്നും ഗതാഗത മന്ത്രി പറഞ്ഞു. അതോടൊപ്പം യാത്രക്കാർക്ക്​ അന്താരാഷ്​ട്ര  നിലവാരത്തിലുള്ള സേവനങ്ങൾ ഉറപ്പുവരുത്തും​. വിഷൻ 2030​​​​െൻറ ഭാഗമായാണ്​പദ്ധതികൾ.  വിമാനത്താവള വികസനത്തിൽ സ്വകാര്യ പങ്കാളിത്തം അനിവാര്യമാണ്​. അത്​ പ്രവർത്തനങ്ങൾ മികച്ചതാക്കും. 
മദീന വിമാനത്താവളത്തി​​​െൻറ ചുവടുപിടിച്ചാണ്​ സ്വകാര്യ പങ്കാളിത്തമനുവദിക്കുന്നതെന്നും ഗതാഗത മന്ത്രി പറഞ്ഞു. പുതിയ കരാറുകൾ യാത്രക്കാരുടെ സേവനങ്ങൾ മികച്ചതാക്കുമെന്ന്​ സിവിൽ ഏവിയേഷൻ അതോറിറ്റി അസിസ്​റ്റൻറ്​ മേധാവി എൻജിനീയർ ത്വാരിഖ്​ ബിൻ ഉസ്​മാൻ അൽ അബ്​ദുജബ്ബാർ പറഞ്ഞു. യാത്രക്കാർക്ക്​ ആശ്വാസം പകരുന്നതുമാണിതെന്നും അദ്ദേഹം പറഞ്ഞു.
ജിദ്ദ വിമാനത്താള ഒാപറേഷൻ സിങ്കപ്പൂരിലെ ചാംഗി ഇൻറർനാഷണൽ കമ്പനിക്കാണ്​. വിമാനത്താവള ഒാപറേഷന്​ 20 വർഷത്തേക്കുള്ള ലൈസൻസ്​ ഇൗ കമ്പനി നേടിയിട്ടുണ്ട്​.
 ത്വാഇഫ്​ വിമാനത്താവള വികസവും ഒാപറേഷനും അസിയാദ്​ ​​ഹോർഡിങ്​ അലയൻസ്ിനാണ്​. ഖസീം, ഹാഇൽ, യാമ്പു എന്നീ വിമാനത്താവളങ്ങളുടെ വികസനവും ഒാപറേഷനും അൽറാജി ഹോൾഡിങ്​ കമ്പനിക്കും തുർക്കി കമ്പനി ത്വാഇഫിനുമാണ്​.