ക്വാറന്‍റീൻ പാക്കേജിൽ പ്രവാസികളെ​ പിഴിഞ്ഞ്​ ഏജന്‍റുമാർ

റി​യാ​ദ്: വ​ർ​ഷ​ങ്ങ​ൾ നീ​ണ്ട കാ​ത്തി​രി​പ്പി​നൊ​ടു​വി​ൽ കേ​ര​ള​ത്തി​ൽ​നി​ന്ന് നേ​രി​ട്ട് സൗ​ദി​യി​ലെ​ത്തു​ന്ന പ്ര​വാ​സി​ക​ളെ ഏ​ജ​ന്റു​മാ​ർ പി​ഴി​യു​ന്നു. മി​ക​ച്ച വാ​ഗ്ദാ​ന​ങ്ങ​ൾ അ​വ​ത​രി​പ്പി​ച്ച്​ പാ​ക്കേ​ജി​ൽ പ്ര​വാ​സി​ക​ളെ സൗ​ദി​യി​ലെ​ത്തി​ക്കു​ന്ന ഏ​ജ​ന്‍റു​മാ​ർ പ​ക്ഷേ, വാ​ഗ്ദാ​ന​ങ്ങ​ൾ പാ​ലി​ക്കു​ന്നി​ല്ല. പ്ര​തി​രോ​ധ കു​ത്തി​വെ​പ്പെ​ടു​ത്ത​വ​രു​മാ​ണ് ഇ​പ്പോ​ൾ നാ​ട്ടി​ൽ​നി​ന്ന് നേ​രി​ട്ട് സൗ​ദി​യി​ലേ​ക്ക് മ​ട​ങ്ങു​ന്ന​ത്. ഇ​വ​ർ വി​മാ​ന​ടി​ക്ക​റ്റും അ​ഞ്ചു ദി​വ​സ​ത്തെ ഇ​ൻ​സ്റ്റി​റ്റ്യൂ​ഷ​ൻ ക്വാ​റ​ന്‍റീ​നു​മാ​യി ഭീ​മ​മാ​യ തു​ക ഏ​ജ​ന്റു​മാ​ർ​ക്ക്​ ന​ൽ​കി​യാ​ണ്​ വ​രു​ന്ന​ത്. ഈ ​പാ​ക്കേ​ജി​ന് 85,000 മു​ത​ൽ ഒ​രു ല​ക്ഷം രൂ​പ വ​രെ​യാ​ണ്​ പ​ല​രും ന​ൽ​കി​യ​ത്. പാ​ക്കേ​ജി​ൽ ഫൈ​വ്​ സ്റ്റാ​ർ, ത്രീ ​സ്റ്റാ​ർ ഹോ​ട്ട​ലു​ക​ളി​ൽ ഒ​രാ​ൾ​ക്ക് സിം​ഗ്​​ൾ റൂ​മും അ​ഞ്ചു ദി​വ​സ​ത്തെ ഭ​ക്ഷ​ണ​വും വാ​ഗ്ദാ​നം ചെ​യ്യു​ന്നു. സൗ​ദി​യി​ലെ​ത്തി ആ​ദ്യ ദി​നം​ത​ന്നെ ആ​ർ.​ടി.​പി.​സി.​ആ​ർ ടെ​സ്റ്റ്‌ ന​ട​ത്തു​മെ​ന്നും അ​ഞ്ചു ദി​വ​സ​ത്തെ ക്വാ​റ​ന്‍റീ​ൻ ക​ഴി​ഞ്ഞും ടെ​സ്റ്റ് ന​ട​ത്തു​മെ​ന്നും പ​റ​യു​ന്നു.

ഗ്രൂ​പ്പു​ക​ളാ​യി തി​രി​ച്ചു കൊ​ച്ചി​യി​ൽ​നി​ന്നും തി​രു​വ​ന​ന്ത​പു​ര​ത്തു​നി​ന്നും സൗ​ദി​യി​ൽ എ​ത്തി​ക്കു​ന്ന പ്ര​വാ​സി​ക​ളെ വി​മാ​ന​ത്താ​വ​ളം മു​ത​ൽ ഏ​ജ​ന്റു​മാ​ർ ചൂ​ഷ​ണം ചെ​യ്യ​ൽ ആ​രം​ഭി​ക്കു​ന്നു. ക്വാ​റ​ന്‍റീ​ൻ മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ ബ​സു​ക​ളി​ൽ ഹോ​ട്ട​ലു​ക​ളി​ൽ എ​ത്തി​ക്കു​ന്ന ഇ​വ​രെ ഒ​രു റൂ​മി​ൽ മൂ​ന്നും നാ​ലും പേ​രെ വീ​തം നി​ർ​ബ​ന്ധി​ച്ചു താ​മ​സി​പ്പി​ക്കു​ന്നു.

ഇ​തി​നെ ചോ​ദ്യം​ചെ​യ്യു​ന്ന​വ​രെ ഭീ​ഷ​ണി​പ്പെ​ടു​ത്തു​ന്ന​താ​യും പ​രാ​തി​യു​ണ്ട്.

പൊ​ലീ​സി​ൽ പ​രാ​തി​പ്പെ​ടും എ​ന്നു പ​റ​ഞ്ഞ ചി​ല​രെ റി​യാ​ദ് ന​ഗ​ര​ത്തി​ൽ​നി​ന്ന് മാ​റി ചി​ല ഹോ​ട്ട​ലു​ക​ളി​ൽ റൂം ​ന​ൽ​കി ഏ​ജ​ന്റു​മാ​ർ കൈ​യൊ​ഴി​യു​ക​യാ​ണ്. കൂ​ടാ​തെ, കൃ​ത്യ​മാ​യ ഭ​ക്ഷ​ണം​പോ​ലും ഇ​വ​ർ​ക്ക് ല​ഭി​ക്കു​ന്നി​ല്ലെ​ന്ന് ക​ഴി​ഞ്ഞ ദി​വ​സം കൊ​ച്ചി​യി​ൽ​നി​ന്ന് റി​യാ​ദി​ലെ​ത്തി​യ പ്ര​വാ​സി 'ഗ​ൾ​ഫ് മാ​ധ്യ​മ'​ത്തോ​ട് പ​റ​ഞ്ഞു.

നാ​ലു ദി​വ​സ​ത്തെ ക്വാ​റ​ന്‍റീ​ൻ ക​ഴി​ഞ്ഞ ഉ​ട​നെ ഇ​വ​രെ റൂ​മു​ക​ളി​ലേ​ക്ക് പോ​കാ​ൻ നി​ർ​ബ​ന്ധി​ക്കു​ന്ന ഏ​ജ​ന്റു​മാ​ർ കോ​വി​ഡ് ടെ​സ്റ്റ് ന​ട​ത്തി​യ രേ​ഖ​ക​ൾ ന​ൽ​കു​ന്നി​ല്ല. സ്വ​ന്ത​മാ​യി പ​ണം ചെ​ല​വ​ഴി​ച്ച്​ ടെ​സ്റ്റ് ന​ട​ത്തി​യാ​ണ്​ പ​ല​രും പു​റ​ത്തി​റ​ങ്ങു​ന്ന​തും 'ത​വ​ക്ക​ൽ​ന'​യി​ൽ ഇ​മ്യൂ​ൺ സ്റ്റാ​റ്റ​സ്​ നേ​ടു​ന്ന​തും.

നാ​ട്ടി​ൽ​നി​ന്ന് ഇ​വ​രെ ക​യ​റ്റി​വി​ടു​ന്ന ഏ​ജ​ന്റു​മാ​രു​മാ​യി പ​ല​ത​വ​ണ ബ​ന്ധ​പ്പെ​ടു​ന്നു​ണ്ടെ​ങ്കി​ലും അ​നു​കൂ​ല​മാ​യ ന​ട​പ​ടി​ക​ൾ ഉ​ണ്ടാ​കു​ന്നി​ല്ലെ​ന്നു ഹോ​ട്ട​ലു​ക​ളി​ൽ ക​ഴി​യു​ന്ന പ്ര​വാ​സി​ക​ൾ പ​റ​യു​ന്നു.

ഒ​രു വ​ർ​ഷ​വും അ​തി​ല​ധി​ക​വും നാ​ട്ടി​ൽ കു​ടു​ങ്ങി ഒ​ടു​വി​ൽ ക​ട​വും മ​റ്റും വാ​ങ്ങി ഭീ​മ​മാ​യ തു​ക ഏ​ജ​ന്റു​മാ​ർ​ക്ക് ന​ൽ​കി സൗ​ദി​യി​ലെ​ത്തു​ന്ന പ്ര​വാ​സി​ക​ളെ ചൂ​ഷ​ണം​ചെ​യ്യു​ന്ന ഈ ​ഏ​ജ​ന്റു​മാ​ർ​ക്കെ​തി​രെ ശ​ക്ത​മാ​യ ന​ട​പ​ടി​ക​ൾ കൈ​ക്കൊ​ള്ള​ണ​മെ​ന്ന് സൗ​ദി​യി​ലെ വി​വി​ധ രാ​ഷ്ട്രീ​യ സാം​സ്‌​കാ​രി​ക സം​ഘ​ട​ന​ക​ൾ ആ​വ​ശ്യ​പ്പെ​ടു​ന്നു. ഇ​ത്ത​രം ചൂ​ഷ​ണ​ങ്ങ​ൾ​ക്കെ​തി​രെ പ്ര​വാ​സി​ക​ൾ പ്ര​തി​ക​രി​ക്ക​ണ​മെ​ന്ന് സം​ഘ​ട​ന പ്ര​തി​നി​ധി​ക​ളും ആ​വ​ശ്യ​പ്പെ​ടു​ന്നു.