അഡ്വ. എൻ. ശംസുദ്ദീൻ എം.എൽ.എക്ക് ജിദ്ദയിൽ സ്വീകരണം

ജിദ്ദ: ഉംറ നിർവഹിക്കാനും സൗദിയിലെ വിവിധ പ്രവിശ്യകളിലുള്ള മണ്ണാർക്കാട്ടെ പ്രവാസികളുമായി സംഗമിക്കാനുമെത്തിയ അഡ്വ. എൻ. ശംസുദ്ദീൻ എം.എൽ.എക്ക് ജിദ്ദ വിമാനത്താവളത്തിൽ കെ.എം.സി.സി പ്രവർത്തകർ സ്വീകരണം നൽകി. മണ്ണാർക്കാട് മണ്ഡലം ലീഗ് പ്രസിഡന്റ്‌ സലാം മാസ്റ്റർ, ജനറൽ സെക്രട്ടറി ഫായിദ ബഷീർ എന്നിവരും അദ്ദേഹത്തോടൊപ്പമുണ്ടായിരുന്നു.

ജിദ്ദ മണ്ണാർക്കാട് മണ്ഡലം കെ.എം.സി.സി നേതാക്കളും പ്രവർത്തകരുമായ സക്കീർ നാലകത്ത്, കുഞ്ഞി മുഹമ്മദ്‌, ജിഷാദ്, ഇബ്രാഹിം, ടി.പി. ശുഹൈബ്, ബഷീർ നാലകത്ത്, സുബൈർ കുന്തിപ്പുഴ, റഷീദ് അക്കര, ഹനീഫ അലനല്ലൂർ, ഉമ്മർ തച്ചനാട്ടുകര, ഹുസ്സയിൻ കരിങ്ങര എന്നിവർ ചേർന്നാണ് ലീഗ് നേതാക്കൾക്ക് സ്വീകരണം നൽകിയത്.