സൗദി അഭിനേത്രി  അഹദ്​ കാമിൽ ഹോളിവുഡിലേക്ക്​

ജിദ്ദ: സൗദി അഭിനേത്രി അഹദ്​ കാമിൽ ഹോളിവുഡിലേക്ക്​. അമേരിക്കൻ ഹൊറർ സിനിമയായ ‘ബീയിങ്ങി’ലാണ്​ അഹദ്​ കാമിൽ അഭിനയിക്കുക. ഇതാദ്യമായാണ്​ ഒരു സൗദി വനിത ഹോളിവുഡ്​ ചിത്രത്തിൽ അഭിനയിക്കുന്നത്​. ഡഗ്ലസ്​ സി. വില്യം സംവിധാനം ചെയ്യുന്ന സിനിമ ഇൗ വർഷം അവസാനത്തോടെ റിലീസ്​ ചെയ്യും. നെറ്റ്​ഫ്ലിക്​സിൽ മുഖം കാണിക്കുന്ന ആദ്യ സൗദി വനിതയായി ഇൗ വർഷം തുടക്കത്തിൽ അഹദ്​ കാമിൽ മാറിയിരുന്നു. ബി.ബി.സിയിലും സംപ്രേഷണം ചെയ്​ത കൊളാറ്ററൽ എന്ന മിനി സീരീസിലാണ്​ അവർ വേഷമിട്ടത്​.