അബ്​ഖൈഖ്​ വാഹനാപകടം: നഷ്​ടമായത്​ പ്രവാസി ഫുട്​ബാളിന്​ വേണ്ടപ്പെട്ടവനെ

റിയാദ്​: നിയന്ത്രണം വിട്ട ട്രൈയ്​ലറി​​​െൻറ രൂപത്തിൽ വന്ന മരണം കവർന്നെടുത്തത്​ പ്രവാസി ഫുട്​ബാളിന്​ വേണ്ടപ്പെട്ടവനെ. തിങ്കളാഴ്​ച പുലർച്ചെ റിയാദിലെ മലയാളി കായികലോകം ​ഞെട്ടലോടെയാണ്​ ആ വാർത്ത കേട്ടുണർന്നത്​. തങ്ങളുടെ പ്രിയപ്പെട്ട മുഹമ്മദ്​ ബഷീറി​​​െൻറ വേർപാട്​ അവർക്കാദ്യം വിശ്വസിക്കാനായില്ല. തലേദിവസം വൈകീട്ടും റിയാദ്​ ഇന്ത്യൻ ഫുട്​ബാൾ അസോസിയേഷൻ (റിഫ) വെറ്ററൻസ്​ ടീമി​​​െൻറ വാട്​സ്​ ആപ് ഗ്രൂപ്പിൽ ആ ശബ്​ദം അവർ കേട്ടതാണ്​. എല്ലാ വ്യാഴാഴ്​ചയും പതിവായ വെറ്ററൻസ്​ ഫുട്​ബാൾ കളിയിൽ ഇൗയാഴ്​ചയും താനുണ്ടാവുമെന്ന്​ അറിയിക്കാനായിരുന്നു ബഷീർ ശബ്​ദസന്ദേശമയച്ചത്​. അത്​ കഴിഞ്ഞിട്ട്​​​ ഒരു മണിക്കൂറായിട്ടില്ല, അപ്പോഴേക്കും​ ആ ജീവന്​ നേരെ ട്രെയ്​ലർ പാഞ്ഞടുത്തുകഴിഞ്ഞിരുന്നു​.

ഞായറാഴ്​ച വൈകീട്ട്​ ഏഴോടെയാണ്​ ബഷീർ ഒാടിച്ച വാഹനത്തിലേക്ക്​ എതിർവശത്തെ റോഡിൽ നിന്ന്​ ഇടയിലുള്ള ​ഇരുമ്പുവേലി തകർത്തുവന്ന ട്രെയ്​ലർ ഇടിച്ചുകയറിയത്​. മുൻവശം നിശ്ശേഷം തകർന്ന വാഹനത്തിനുള്ളിൽ കുടുങ്ങിപ്പോയി ഡ്രൈവർ സീറ്റിലിരുന്ന ബഷീറും കൂടെ മുൻസീറ്റിലുള്ള ചെന്നൈ സ്വദേശി ശ്രീറാം ശ്രീനിവാസനും. ഇരുവരും തൽക്ഷണം മരിച്ചു. പിൻസീറ്റിലുണ്ടായിരുന്ന ഹൈദരബാദ് സ്വദേശി അയൂബ് ഖാൻ ഗുരുതര പരിക്കേറ്റ്​ അബ്​ഖൈഖ്​ ജനറൽ ആശുപത്രിയിൽ ചികിത്സയിലാണ്​. വാഹനം വെട്ടിപ്പൊളിച്ചാണ്​ മൂവരെയും പുറത്തെടുത്തത്​.

23 വർഷമായി റിയാദിലുള്ള മുഹമ്മദ്​ ബഷീർ വലിയ കമ്പനികളുടെ ബിസിനസ്​ ഡെലിഗേറ്റുകൾക്ക്​ ഗതാഗത സൗകര്യം ഒരുക്കുന്ന ജോലിയാണ്​ ചെയ്​തിരുന്നത്​. ഇൗയാവശ്യാർഥം ബഹ്​റൈനിൽ പതിവായി പോയി വരുമായിരുന്നു. പതിവുപോലെ സ്വകാര്യ കമ്പനി ഉദ്യോഗസ്ഥരായ ശ്രീറാമിനെയും അയൂബ്​ ഖാനെയും കൊണ്ട്​ ദമ്മാമിൽ നിന്ന്​ റിയാദിലേക്ക്​ വരവേയാണ്​ അപകടമുണ്ടായത്​. പതിവ്​ സമയമായ രാത്രി 11 കഴിഞ്ഞും എത്താതായപ്പോൾ റിയാദിൽ ഒപ്പം താമസിക്കുന്ന തൃശൂർ സ്വദേശി ഹുസൈൻ നടത്തിയ അന്വേഷണത്തിലാണ്​ അബ്​ഖൈഖിൽ അപകടത്തിൽ പെ​െട്ടന്ന വിവരമറിഞ്ഞത്​. അതിരാവിലെ തന്നെ അബ്​ഖൈഖിൽ എത്തി വിവരം സ്ഥിരീകരിച്ചതോടെ പരിചിത വൃത്തത്തിലെല്ലാം അത്​ വേദന പടർത്തി.

റിയാദിലുള്ള ഉറ്റ ബന്ധുക്കളും റിഫ പ്രസിഡൻറ്​ ബഷീർ ചേലേമ്പ്ര, പഴയകാല ഫുട്​ബാൾ താരം ശരീഫ് കാളികാവ് എന്നിവരും അബ്​ഖൈഖിൽ എത്തി അനന്തര നടപടികൾക്ക്​ നേതൃത്വം നൽകുന്നു. മൃതദേഹം നാട്ടിൽ കൊണ്ടുപോകാനുള്ള ഒരുക്കങ്ങൾ സാമൂഹിക പ്രവർത്തകരായ നാസ്​ വക്കത്തി​​​െൻറയും റഫീഖ്​ കൂട്ടിലങ്ങാടിയുടെയും നേതൃത്വത്തിൽ പൂർത്തിയായി. ചൊവ്വാഴ്​ച വൈകീട്ട്​ നാട്ടിൽ കൊണ്ടുപോകും.

ചെറുപ്പകാലം മുതലേ കാൽപന്ത്​ കളിക്കാരനായ മുഹമ്മദ്​ ബഷീർ റിയാദിലെത്തിയ ശേഷം കളിയിൽ കൂടുതൽ സജീവമാവുകയായിരുന്നു. തുടക്കത്തിൽ സി.ആർ.ബി എന്ന ടീമി​ലായിരുന്നു. പിന്നീട്​ പേരുമാറ്റി ഒ.എം.സി എന്നാക്കി. കളിക്കാരൻ മാത്രമല്ല സംഘാടകനുമായി മാറി. ഒ​േട്ടറെ ക്ലബുകൾക്ക്​ വേണ്ടി കളിച്ചു. പിന്നീട്​ പ്രവാസി ഫുട്​ബാൾ രംഗത്തെ അറിയപ്പെടുന്ന ക്ലബ്ബായ റോയൽ റിയാദ് സോക്കറി​​​െൻറ മുഖ്യ ഭാരവാഹികളിൽ ഒരാളായി മാറി. കേളി ഫുട്​ബാളിൽ രണ്ടുതവണയും ഒ.​െഎ.സി.സി ഫുട്​ബാളിൽ ഒരു തവണയും ചാമ്പ്യന്മാരാവു​േമ്പാൾ മുഖ്യ സംഘാടകനായി ബഷീർ ഉണ്ടായിരുന്നു. കെ.എം.സി.സി ഫുട്​ബാളിൽ തുടർച്ചയായി രണ്ടുതവണ റണ്ണറപ്പുമായി. നിലവിലും ഇൗ ടീമി​​​െൻറ മുഖ്യ ഭാരവാഹി പദവിയിൽ തുടരുകയാണ്​.

റിഫ വെറ്ററൻസ്​ ടീമംഗമായി ഇപ്പോഴും കളിക്കുന്നു. എല്ലാ വ്യാഴാഴ്​ചയും റിയാദിൽ വെറ്ററൻസ്​ കളിയുണ്ടാകു​േമ്പാൾ മൈതാനിയിലെ സ്ഥിരസാന്നിദ്ധ്യമായ ബഷീറി​​​െൻറ അസാന്നിദ്ധ്യം ഇനി സഹകളിക്കാരിൽ വേദനയായി ബാക്കിയാകും. തങ്ങളുടെ പ്രിയപ്പെട്ടവന്​ അ​േന്ത്യാപചാരം അർപ്പിക്കാൻ റിഫയുടെ നേതൃത്വത്തിൽ റിയാദിലുള്ള സുഹൃത്തുക്കളും കായികപ്രേമികളും ചൊവ്വാഴ്​ച രാവിലെ ഒരു ബസിൽ അബ്​ഖൈഖിലേക്ക്​ പോകും.
ബഷീറി​​​െൻറ ആകസ്​മിക വിയോഗത്തിൽ റിഫയും റിയാദ്​ റോയൽ സോക്കർ ക്ലബും എൻ.ആർ.കെ വെൽഫെയർ ​േഫാറവും അനുശോചിച്ചു.