അസീറിൽ വാഹനാപകടം; വിദ്യാർഥി മരിച്ചു

അബ്​ഹ: അസീർ മേഖലയിലെ മർകസ്​ അൽഫുർഷയിൽ വാഹനാപകടത്തിൽ ഒരു വിദ്യാർഥി മരിക്കുകയും ഒമ്പത്​ വിദ്യാർഥികൾക്ക്​ പരിക്കേൽക്കുകയും ചെയ്​തു. വാഹനാപകട വിവരമറിഞ്ഞ ഉടനെ അൽഫുർഷ ജനറൽ ആശുപത്രിയിലെ അടിയന്തിര വിഭാഗത്തിന്​ ജാഗ്രതാ നിർദേശം നൽകിയിരുന്നതായി അസീർ മേഖല ആരോഗ്യ വക്​താവ്​ സഇൗദ്​ അൽഅഹ്​മരി പറഞ്ഞു. ഏഴിനും 16നുമിടയിൽ പ്രായമുള്ള വിദ്യാർഥികൾക്കാണ്​ പരിക്കേറ്റത്​. ചിലരുടെ പരിക്ക്​ ഗുരുതരമാണെന്നും വക്​താവ്​ പറഞ്ഞു.