റഫീദയിൽ വാഹനാപകടം; അഞ്ചുപേർ മരിച്ചു

ഖമീസ്​​മുശൈത്​: വാഹനാപകടത്തിൽ അഞ്ച്​ പേർ മരിക്കുകയും അഞ്ച്​ പേർക്ക്​ പരിക്കേൽക്കുകയും ചെയ്​തു. റഫീദ മേഖലയിലെ വാദിയയ്​ൻ സിഗ്​നലിന്​ അടുത്ത്​ ഇന്നലെ പുലർച്ചെയാണ്​ വാഹനങ്ങൾ കൂട്ടിയിടിച്ച്​ അപകടമുണ്ടായതതെന്ന്​ അസീർ മേഖല റെഡ്​ക്രസൻറ്​ വക്​താവ്​ മുഹമ്മദ്​ അൽശഹ്​രി പറഞ്ഞു. അഞ്ച്​ യൂനിറ്റ്​ ആംബുലൻസുകൾ സ്​ഥലത്തെത്തിയിരുന്നു. പരിക്കേറ്റവരെ ആശുപത്രിയിൽ പ്രവേശിപ്പിച്ചതായും റെഡ്​ക്രസൻറ്​ വക്​താവ്​ പറഞ്ഞു.