ഹാഇലിന്​ സമീപം വാഹനാപകടത്തിൽ രണ്ട്​ മരണം

റിയാദ്​: ഹാഇലിന്​ സമീപം ബുധനാഴ്​ച വൈകീട്ടുണ്ടായ വാഹനാപകടത്തിൽ രണ്ട്​ മരണം. ഒരാൾക്ക്​ ഗുരുതര പരിക്കേറ്റു. 
ബഖഅാ എന്ന സ്ഥലത്ത്​ ഹാഇൽ ദേശീയ പാതയുമായി ബഖഅാ പട്ടണത്തിൽ നിന്നുള്ള പാത വന്നു ചേരുന്നയിടത്ത്​ ഹോണ്ട അക്കോർഡ്​ കാറും ടൊയോട്ട യാരിസ്​ കാറുമാണ്​ കൂട്ടിയിടിച്ചത്​. 

വാഹനത്തിൽ യാത്ര ചെയ്​തിരുന്നവരാണ്​ അപകടത്തിൽ പെട്ട മൂന്നുപേരും. രണ്ടുപേർ സംഭവസ്ഥലത്ത്​ തന്നെ മരിച്ചു. പരിക്കേറ്റയാളെ പൊലീസെത്തി ബഖഅാ ജനൽ ആശുപത്രിയിൽ പ്രവേശിപ്പിച്ചു. അപകടത്തിൽ പെട്ടവർ ഏത്​ രാജ്യക്കാരാണെന്ന്​ അറിവായിട്ടില്ല. അപകടമുണ്ടായ സ്ഥലത്ത്​ വാഹനാപകടങ്ങൾ പതിവാണത്രെ. ബഖഅായിൽ നിന്ന്​ വരുന്ന റോഡ്​ ഹൈവേയിലേക്ക്​ നേരിട്ട് എത്തുന്നതിനാൽ ഒരേ വേഗതയിൽ ഇരുഭാഗത്തുനിന്നും വാഹനങ്ങൾ വന്ന്​ കൂട്ടിയിടിച്ചാണ്​ അധിക അപകടവും.