ഗ്യാസ്​ ടാങ്കറും ട്രക്കും കൂട്ടിയിടിച്ച്​ തീ പിടിച്ചു; ഒഴിവായത്​ വൻ ദുരന്തം

മദീന: യാമ്പു^ജിദ്ദ എക്​സ്​പ്രസ്​ റോഡിൽ ഗ്യാസ്​ ടാങ്കർ ലോറിയും ​ട്രക്കും  കൂടിയിടിച്ച്​ തീപിടിച്ചത്​ ആശങ്ക പരത്തി. സിവിൽ ഡിഫൻസി​​െൻറ സമയോജിത ഇടപെടൽ വൻ ദുരന്തം ഒ​ഴിവാക്കി. ട്രക്ക്​ റോഡിൽ നിന്ന്​ തെന്നിമാറുകയും കാബിനും ടയറുകളും പൂർണമായി കത്തി നശിക്കുകയുമായിരുന്നു. ഗ്യാസ്​ ടാങ്കറിലേക്ക്​ തീ പടരാതിരുന്നത്​   ദുരന്തം ഒഴിവാക്കി.  ജിപ്​സം കൊണ്ടുപോകുന്ന ട്രക്കുമായാണ്​ എൽ.പി.ജി ടാങ്കർ കൂട്ടിയിടിച്ചതെന്ന്​ മദീന സിവിൽ ഡിഫൻസ്​ ഡയറക്​​ടറേറ്റ്​ വക്​താവ്​ കേണൽ ഖാലിദ്​ അൽജുഹ്​നി പറഞ്ഞു.  സിവിൽ ഡിഫൻസ്​ തീ വേഗം നിയന്ത്രണവിധേയമാക്കുകയും ഗ്യാസ്​ ടാങ്കറിലേക്ക്​ തീ പടരാതിരിക്കാനാവശ്യമായ മുൻകരുത​ലെടുക്കുകയും ചെയ്​തതിനാൽ വൻ ദുരന്തം ഒഴിവായി. എൽ.പി.ജി​ കമ്പനിക്കാരെത്തി ടാങ്കറിൽ നിന്ന്​ ഗ്യാസ്​ നീക്കം ചെയ്​തു. സംഭവത്തിൽ ഫിലിപ്പൈൻ സ്വദേശിയായ ഡ്രൈവർക്ക്​ നേരിയ പരിക്കേറ്റതായും സിവിൽ ഡിഫൻസ്​ വക്​താവ്​ പറഞ്ഞു.