അബ്​ഹുർ പാലം: കൺസൾട്ടൻസി കരാറായി

ജിദ്ദ: അബ്​ഹുർ പാലം കൺസൾട്ടൻസി സർവീസ്​ കരാറിൽ മക്ക ഗവർണറും ജിദ്ദ മേഖല പൊതുഗതാഗത പദ്ധതി സൂപർവൈസിങ്​ ഉന്നതാധികാര കമ്മിറ്റി അധ്യക്ഷനുമായ അമീർ ഖാലിദ്​ അൽഫൈസൽ ഒപ്പുവെച്ചു. സ്വകാര്യ പങ്കാളിത്തത്തോടെ പദ്ധതി മികച്ച രീതിയിൽ നടപ്പാക്കുന്നതി​ന്​ മുന്നോടിയാണ്​ കരാർ ഒപ്പുവെച്ചത്​. പദ്ധതിയുമായി ബന്ധപ്പെട്ട്​ സ്വകാര്യ മേഖലയുമായുള്ള ആദ്യകരാറാണിത്​. ഗൾഫ്​ ഇൻറർ നാഷണൽ ബാങ്ക്​ (ജി.​െഎ.ബി കാപിറ്റൽ) ആണ്​ കൺസൾട്ടൻസി. മൂന്ന്​ ഘട്ടങ്ങൾ ഉൾപ്പെടുന്നതാണ്​ കരാറെന്ന്​ ജിദ്ദ മേയർ ഹാനീ അബൂറാസ്​ പറഞ്ഞു. 

പദ്ധതി സംബന്ധിച്ച്​ സാധ്യതാ പഠനങ്ങൾ നടത്തുക, സാമ്പത്തികവും സാ​​േങ്കതികവുമായ ബാധ്യതകൾ വിലയിരുത്തുക, വിശദമായ റിപ്പോർട്ട്​ തയാറാക്കി സ്വകാര്യമേഖലയുടെ പങ്കാളിത്തം  ഉറപ്പുവരുത്താൻ ആവശ്യമായ മികച്ച രീതികൾ സമർപ്പിക്കുക എന്നിവയാണ്​ ഒന്നാംഘട്ടം. പദ്ധതി നടപ്പാക്കുന്നതിനു വേണ്ട കമ്പനികളുടെ യോഗ്യതകൾ നിർണയിക്കുകയും നിക്ഷേപകർക്ക്​ മുമ്പാകെ വെക്കുകയുമാണ്​​ രണ്ടാംഘട്ടം. പദ്ധതി കരാർ ഉണ്ടാക്കുകയും ക്വ​േട്ടഷൻ ക്ഷണിക്കുകയും പദ്ധതി നടപ്പാക്കുന്നതിന്​ അനുയാജ്യമായ കമ്പനിയെ തെരഞ്ഞെടുക്കുകയുമാണ്​ മൂന്നാംഘട്ടം. 18 മാസമാണ്​ കരാർ കാലാവധിയെന്നും മേയർ പറഞ്ഞു.  മക്ക മേഖല അസി. ഗവർണർ അമീർ അബ്​ദുല്ല ബിൻ ബന്ദറും ജിദ്ദ ഗവർണർ അമീർ മിശ്​അൽ ബിൻ മാജിദുൽ സന്നിഹിതരായിരുന്നു.