ഐഹിക, പാരത്രിക ജീവിതവിജയത്തിന് ആത്മസംസ്കരണം നിർബന്ധം -അബ്ദുറഹ്മാൻ മദീനി
text_fieldsജിദ്ദ ഇന്ത്യൻ ഇസ്ലാഹി സെന്റർ സംഘടിപ്പിച്ച പരിപാടിയിൽ
അബ്ദുറഹ്മാൻ മദീനി റമദാൻ
പ്രഭാഷണം നടത്തുന്നു
ജിദ്ദ: ഐഹിക ജീവിതത്തിൽ നേട്ടവും പുരോഗതിയും കരസ്ഥമാക്കാനും പാരത്രിക ജീവിതത്തിൽ അന്തിമ വിജയം കൈവരിക്കാനും ഓരോ വ്യക്തിയും ആത്മസംസ്കരണം നേടണമെന്ന് അബ്ദുറഹ്മാൻ മദീനി.
ജിദ്ദ ഇന്ത്യൻ ഇസ്ലാഹി സെന്ററിൽ നടത്തിയ റമദാൻ പ്രഭാഷണത്തിൽ സംസാരിക്കുകയായിരുന്നു അദ്ദേഹം.
റമദാനിൽ പാപമോചനം ചെയ്യുന്നതിലൂടെ മനുഷ്യൻ സദാ ഭയപ്പെടുന്ന ദാരിദ്ര്യത്തെ ഇല്ലാതാക്കുകയും സമൃദ്ധിയും ഐശ്വര്യവും കൈവരിക്കാൻ കഴിയുമെന്നും ഖുർആൻ വിശ്വാസികളോട് വാഗ്ദാനം ചെയ്യുന്നുണ്ടെന്നും അദ്ദേഹം ഉദ്ബോധിപ്പിച്ചു.
നൂരിഷ വള്ളിക്കുന്ന് അധ്യക്ഷത വഹിച്ചു. സെക്രട്ടറി ശിഹാബ് സലഫി സ്വാഗതവും നൗഫൽ കരുവാരകുണ്ട് നന്ദിയുംപറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

