അബ്ബാസ് പാലത്തിന് കേളി യാത്രയയപ്പ് നൽകി
text_fieldsറിയാദ്: 28 വർഷത്തെ പ്രവാസം അവസാനിപ്പിച്ച് സ്വദേശത്തേക്ക് മടങ്ങുന്ന കേളി കലാസാംസ്കാരിക വേദി മുസാഹ്മിയ ഏരിയ ജോയൻറ് സെക്രട്ടറിയും ഏരിയ സൈബർ വിങ് കൺവീനറുമായ അബ്ബാസ് പാലത്തിന് യാത്രയയപ്പ് നൽകി. ഏരിയ കമ്മിറ്റിയുടെ നേതൃത്വത്തിൽ ദുർമയിലെ ഓഡിറ്റോറിയത്തിൽ നടത്തിയ യാത്രയയപ്പ് യോഗത്തിൽ മുസാഹ്മിയ ഏരിയ വൈസ് പ്രസിഡൻറ് വിജയൻ അധ്യക്ഷത വഹിച്ചു.
ചടങ്ങിൽ കേന്ദ്ര കമ്മിറ്റി പ്രസിഡൻറ് ഷമീർ കുന്നുമ്മൽ, ജോയൻറ് സെക്രട്ടറി സുരേഷ് കണ്ണപുരം, വൈസ് പ്രസിഡൻറുമാരായ സുരേന്ദ്രൻ കൂട്ടായി, ചന്ദ്രൻ തെരുവത്ത്, സെക്രേട്ടറിയറ്റ് അംഗം പ്രഭാകരൻ കണ്ടോന്താർ, കേന്ദ്ര കമ്മിറ്റി അംഗങ്ങളായ മധു ബാലുശ്ശേരി, പ്രദീപ്, ബദീഅ രക്ഷാധികാരി സമിതി അംഗം ശങ്കർ, ഏരിയ ജീവകാരുണ്യ വിഭാഗം കൺവീനർ നിസാർ, കെ.എം.സി.സി പ്രതിനിധി ബഷീർ, വോളിബാൾ ടീം പ്രതിനിധി റസാഖ് എന്നിവർ സംസാരിച്ചു.
കോഴിക്കോട് പാലത്ത് സ്വദേശിയായ അബ്ബാസ് ദുർമ മേഖലയിൽ കേളി രൂപവത്കരിക്കുന്നതിന് പങ്കുവഹിച്ചു. ദുർമ യൂനിറ്റ് സെക്രട്ടറി, പ്രസിഡൻറ്, ട്രഷറർ, മുസാഹ്മിയ ഏരിയ പ്രസിഡൻറ്, ജീവരുണ്യ കമ്മിറ്റി അംഗം എന്നീ നിലകളിൽ പ്രവർത്തിച്ചിട്ടുണ്ട്. ഏരിയ കമ്മിറ്റിയുടെ ഉപഹാരം സെക്രട്ടറി എം.കെ. ഷമീറും ബദീയ രക്ഷാധികാരി സമിതിയുടെ ഉപഹാരം ശങ്കറും വോളിബാൾ ടീമിെൻറ ഉപഹാരം ടീം അംഗങ്ങളും അബ്ബാസിന് കൈമാറി. ഏരിയ സെക്രട്ടറി ഷമീർ എം.കെ. പുലാമന്തോൾ സ്വാഗതവും അബ്ബാസ് നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.