അബഹ വിമാനത്താവളം ലക്ഷ്യമാക്കിയ ഡ്രോൺ തകർത്തു

ജിദ്ദ: തെക്കൻ സൗദിയിലെ അബഹ വിമാനത്താവളം ലക്ഷ്യമിട്ട്​ വന്ന ഡ്രോൺ അറബ്​ സഖ്യസേന തകർത്തു. യമനിലെ ഹൂതി വിമതരാണ്​ പിന്നിൽ. ശനിയാഴ്​ച പകൽ അബഹയിലേക്ക്​ വന്ന ഡ്രോൺ വിജയകരമായി തകർത്തുവെന്നും വിമാനത്താവളം സാധാരണ പോലെ പ്രവർത്തിക്കുന്നുണ്ടെന്നും സഖ്യസേന വക്​താവ്​ അറിയിച്ചു. സംഭവത്തിന്​ പിന്നാലെ ഡ്രോൺ അയച്ച യമൻ സആദയിലുള്ള ഹൂതികളുടെ താവളം സഖ്യസേന തകർത്തു.