വേങ്ങര സ്വദേശി ജിസാനിൽ ഹൃദയാഘാതം മൂലം മരിച്ചു

ജിസാൻ: ഹൃദയാഘാതത്തെത്തുടർന്ന് മലപ്പുറം വേങ്ങര വലിയോറ ചിനക്കൽ സ്വദേശി അബ്ദുൽ മജീദ് (46) സൗദിയിലെ ജിസാനിൽ മരിച്ചു. ജിസാനിനടുത്ത് ആർദയിൽ ജോലി ചെയ്യുന്ന ഇദ്ദേഹം ശാരീരിക അസ്വസ്ഥയെ തുടർന്ന് ജിസാൻ പ്രിൻസ് മുഹമ്മദ് ബിൻ നാസർ ആശുപത്രിയിൽ ചികിത്സയിലിരിക്കെയാണ് മരണം.

പിതാവ്: പരേതനായ മൂഴിക്കല്‍ മൊയ്തീൻ. നടപടികൾ പൂർത്തിയാക്കി മൃതദേഹം ജിസാനിൽ ഖബറടക്കുമെന്ന് ഇദ്ദേഹത്തിന്റെ സഹോദരൻ സിറാജും കെ.എം.സി.സി വെൽഫെയർ വിങ്‌ പ്രവർത്തകരും അറിയിച്ചു.