വിമാനത്തിൽ കയറാനിരിക്കെ യു.പി സ്വദേശി കുഴഞ്ഞു വീണ്​ മരിച്ചു

റിയാദ്​: നാട്ടിലേക്ക്​ പോകാൻ വിമാനവും കാത്തിരിക്കവേ യു.പി സ്വദേശി കുഴഞ്ഞു വീണ്​ മരിച്ചു. റിയാദ്​ കിങ്​ ഖാലിദ്​ എയർപ്പോർട്ടിൽ ഗാസിയാബാദ്​ മുസാഫർ നഗർ സ്വദേശി സലിം (48) ആണ്​ മരിച്ചത്​.

ദീർഘകാലമായി റിയാദിൽ ജോലി ചെയ്യുന്ന ഇയാൾ അവധിക്ക്​ നാട്ടിൽ പോകാൻ എയർപ്പോർട്ടിലെത്തി ബോഡിങ്​ പാസുമെടുത്ത്​ എമിഗ്രേഷൻ പരിശോധനയും പൂർത്തിയാക്കി ടെർമിനലിൽ വിമാനവും കാത്തിരിക്കു​മ്പോഴാണ്​ കുഴഞ്ഞുവീണത്​. ഉടൻ അന്ത്യവും സംഭവിച്ചു.

പിതാവ്: ഷാഫി, മാതാവ്: ഫൗസാൻ ബീഗം, ഭാര്യ: ഗുൽഷൻ. മൃതദേഹം റിയാദിൽ ഖബറക്കുന്നതിനുള്ള നടപടിക്രമങ്ങളുമായി റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ്​ രംഗത്തുണ്ട്.