അബുഹൈദരിയാ റോഡിൽ വാഹനങ്ങൾ കൂട്ടിയിടിച്ച് പഞ്ചാബ് സ്വദേശി മരിച്ചു

ജുബൈൽ : അബുഹൈദരിയാ റോഡിൽ നാരിയ പട്ടണത്തിന് സമീപം വാഹനങ്ങൾ കൂട്ടിയിടിച്ച് പഞ്ചാബ് ഗുർദാസ്പൂർ സ്വദേശിയായ ബൽവീന്ദർ സിംഗ് (35) മരിച്ചു. ബൽവീന്ദർ സിങ് ഓടിച്ചിരുന്ന ട്രക്ക് ആണ് അപകടത്തിൽ പെട്ടത്. അപകടത്തിൽ ബൽവീന്ദറിന് ഗുരുതരമായി പരിക്കേറ്റിരുന്നു.

സുഡാനീസ് പൗരനും, ഇന്ത്യക്കാരനുമാണ് അപകടത്തിൽ പെട്ട മറ്റു വാഹനങ്ങളിലുണ്ടായിരുന്നവർ. കഴിഞ്ഞ വെള്ളിയാഴ്ച വൈകിട്ടാണ് സംഭവം നടന്നത്.

മൃതദേഹം നാരിയ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണെന്ന് നടപടികൾക്ക് നേതൃത്വം നൽകുന്ന പ്രവാസി വെൽഫെയർ ജനസേവന വിഭാഗം കൺവീനർ സലിം ആലപ്പുഴ അറിയിച്ചു. ഔദ്യോഗിക നടപടികൾക്ക് ശേഷം മൃതദേഹം നാട്ടിലേക്ക് കൊണ്ട് പോകുമെന്ന് അദ്ദേഹം അറിയിച്ചു. രവീണ ദേവിയാണ് ഭാര്യ.