പത്തനംതിട്ട സ്വദേശി റിയാദിൽ മരിച്ചു

റിയാദ്: പത്തനംതിട്ട മല്ലപ്പള്ളി വായ്പൂർ സ്വദേശി തൊണ്ടിടയിൽ ഗിരീഷ് (32) റിയാദിലെ സുലൈയിൽ ഹൃദയാഘാതത്തെ തുടർന്ന് മരിച്ചു. അൽ-ഖുർമ സ്വദേശിയായ സ്പോൺസർക്ക് കീഴിൽ റിയാദിൽ പ്രിൻറിങ്​ പ്രസ്സിൽ ജോലി ചെയ്യുകയായിരുന്ന ഗിരീഷ് ആറു മാസം മുമ്പാണ് റിയാദിലെത്തിയത്. അവിവാഹിതനാണ്. പരേതനായ രവീന്ദ്രനാണ് പിതാവ്. മാതാവ് വിജയമ്മ, സഹോദരി രശ്മി.

റിയാദ്​ ശുമൈസി ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കി നാട്ടിൽ കൊണ്ടു പോകാനുള്ള ശ്രമങ്ങൾക്ക് റിയാദ് കെ.എം.സി.സി വെൽഫെയർ വിങ് ചെയർമാൻ സിദ്ദിഖ് തൂവൂർ, സാദിഖ് ഹറമൈൻ, ഫൈസൽ മാലിക് എന്നിവർ രംഗത്തുണ്ട്.