മലപ്പുറം സ്വദേശി റിയാദിലെ ആശുപത്രിയിൽ മരിച്ചു

റിയാദ്: ഹൃദയാഘാതത്തെ തുടർന്ന്​ റിയാദിലെ ആശുപത്രിയിൽ പ്രവേശിപ്പിച്ച മലയാളി മരിച്ചു. മലപ്പുറം അരീക്കോട് താഴെ കൊഴക്കോട്ടൂർ സ്വദേശി യൂസുഫ് വേലിൽപറ്റ (57) ആണ്​ അതീഖയിലെ ഹമ്മാദി ആശുപത്രിയിൽ മരിച്ചത്​.

ശാരീരിക വൈഷമ്യമുണ്ടായ ഉടനെ ആശുപത്രിയിൽ എത്തിച്ചെങ്കിലും ശനിയാഴ്​ച രാവിലെ എ​ട്ടോടെ മരണം സംഭവിച്ചു.25 വർഷമായി റിയാദിൽ പ്രവാസിയായ അദ്ദേഹം ഇലക്​ട്രീഷനായിരുന്നു. ഭാര്യയും മക്കളും റിയാദിൽ ഒപ്പമുണ്ട്​.

പിതാവ്: മുഹമ്മദ്, മാതാവ്: ബിച്ചു പാത്തു, ഭാര്യ: ശറഫുന്നീസ. മക്കൾ: ആഷിഖ്​, നഹി യൂസുഫ്, മുഹമ്മദ് യൂസുഫ്, റിൻഷാ റീം. മൃത​േദഹം നാട്ടിൽ എത്തിക്കാനുള്ള പ്രവർത്തനങ്ങൾക്ക്​ റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ്​ ജനറൽ കൺവീനർ ഷറഫ് പുളിക്കൽ, നൗഫൽ തിരൂർ, സക്കീർ താഴേക്കോട്, ഇസ്മാഈൽ പടിക്കൽ, ജാഫർ ഹുദവി എന്നിവർ രംഗത്തുണ്ട്.