കോഴിക്കോട് സ്വദേശി റിയാദിൽ മരിച്ചു

റിയാദ്: കോഴിക്കോട് സ്വദേശി റിയാദിൽ നിര്യാതനായി. കാപ്പാട്, കാച്ചിലോടി സ്വദേശി അബൂബക്കർ (40) ആണ് റിയാദിലെ കിങ് സഊദ് യൂനിവേഴ്സിറ്റി മെഡിക്കൽ സിറ്റിയിൽ മരിച്ചത്. പരേതരായ മൊയ്തീൻ കോയയുടെയും റുഖിയയുടെയും മകനാണ്.

ഭാര്യ: സൗദാബി. റിയാദിൽ ഖബറടക്കുന്നതിനുള്ള നിയമനടപടികൾ പൂർത്തീകരിക്കാൻ റിയാദ് കെ.എം.സി.സി മലപ്പുറം ജില്ലാ വെൽഫെയർ കിങ് ചെയർമാൻ റഫീഖ് പുല്ലൂർ, ജനറൽ കൺവീനർ ഷറഫ് പുളിക്കൽ, ജാഫർ ഹുദവി എന്നിവർ രംഗത്തുണ്ട്.