മലപ്പുറം കോഡൂർ സ്വദേശി റിയാദിൽ നിര്യാതനായി

റിയാദ്​: ശ്വാസകോശ സംബന്ധമായ അസുഖത്തെ തുടർന്ന്​ ആശുപത്രിയിൽ പ്രവേശിപ്പിച്ചിരുന്ന മലയാളി ഹൃദയാഘാതം മൂലം മരിച്ചു. മലപ്പുറം കോഡൂർ ചെമ്മൻകടവ്​ സ്വദേശി പട്ടർകടവൻ ഹൗസിൽ അബ്​ദുൽ വഹാബ്​ (52) ആണ്​ റിയാദ്​ മലസിലെ നാഷനൽ കെയർ ആശുപത്രിയിൽ മരിച്ചത്​. ദീർഘകാലമായി റിയാദിൽ പ്രവാസിയായിരുന്ന അദ്ദേഹം ഉലയയിലെ യുനൈറ്റഡ്​ ടെക്​നോളജി ഫോർ കൺസ്​ട്രക്ഷൻ എന്ന കമ്പനിയിലാണ്​ ജോലി ചെയ്​തിരുന്നത്​.

പിതാവ്​: മൊയ്​തീൻ പട്ടർകടവൻ. മാതാവ്​: ഫാത്വിമ. ഭാര്യ: സമീറ കാക്കോട്ടിൽ, മക്കൾ: മുഹമ്മദ്​ ജസീൽ, മുഹമ്മദ്​ അനസ്​. സഹോദരങ്ങൾ: ശംസുദ്ദീൻ പട്ടർകടവൻ, ഖദീജ പട്ടർകടവൻ. മൃതദേഹം റിയാദ്​ നസീമിലെ ഹയ്യുസലാം മഖ്​ബറയിൽ ഖബറടക്കി. സിദ്ദിഖ് തുവ്വൂരിൻറ നേതൃത്വത്തിൽ കെ.എം.സി.സി വെൽഫെയർ വിങ് ഉമർ അമാനത്ത് ഉൾപ്പെടെയുള്ള പ്രവർത്തകർ മരണാനന്തര നടപടികൾക്ക്​ നേതൃത്വം നൽകി.