സന്ദർശക വിസയിലെത്തിയ കർണാടക സ്വദേശിനി സൗദിയിൽ മരിച്ചു

റിയാദ്: ഹൃദയാഘാതത്തെ തുടർന്ന് സന്ദർശക വിസയിലെത്തിയ കർണാടക സ്വദേശിനി സൗദിയിൽ മരിച്ചു. മംഗലാപുരം സ്വദേശിനി ഹലീമ അഫ്രീന (23) ആണ് റിയാദിന് സമീപം അൽ ഖർജ് ദിലമിലെ ആശുപത്രിയിൽ മരിച്ചത്.

പിതാവ്: അബ്ദുൽ ഖാദർ, മാതാവ്: ബീഫാത്വിമ. ദിലത്തിൽ ഡ്രൈവർ ആയി ജോലി ചെയ്യുന്ന പിതാവിന്റെ അടുത്തേക്ക് സന്ദർശന വിസയിൽ എത്തിയതായിരുന്നു. മരണാനന്തര നടപടിക്രമങ്ങളുമായി അൽ ഖർജ് കെ.എം.സി.സി വെൽഫയർ വിങ് രംഗത്തുണ്ട്. മൃതദേഹം അൽ ഖർജ് മഖ്ബറയിൽ ഖബറടക്കും.