കൊല്ലം അഞ്ചൽ സ്വദേശി ജുബൈലിൽ മരിച്ചു

ജുബൈൽ: കൊല്ലം അഞ്ചൽ അലയമൺ സ്വദേശി രതീഷ് ആചാരി (52) ജുബൈലിൽ നിര്യാതനായി.

പനിയും ശ്വാസ തടസ്സവും മൂലം ചികിത്സയിലായിരുന്ന രതീഷി​െൻറ ആരോഗ്യസ്ഥിതി ക്രമേണ വഷളാവുകയും മരിക്കുകയുമായിരുന്നു. നാസർ അൽ ഹജ്‌രി കമ്പനിയിൽ റിഗ്ഗിങ്ങ് മാനേജരായി ജോലി ചെയ്യുകയായിരുന്നു.

സാംസ്‌കാരിക പ്രവർത്തനരംഗത്ത്​ സജീവമായിരുന്ന രതീഷി​െൻറ ആകസ്​മിക നിര്യാണത്തിൽ സഹപ്രവർത്തകരും സുഹൃത്തുക്കളും അനുശോചനം അറിയിച്ചു. കമ്പനി അധികൃതരുടെ നേതൃത്വത്തിൽ മരണാനന്തര നിയമനടപടികൾ പുരോഗമിക്കുന്നു. മൃതദേഹം ജുബൈലിലെ അൽമാന ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഭാര്യയും മകനും മകളും ഉൾപ്പെടുന്നതാണ് കുടുംബം. മകൾ വിദേശത്ത് എം.ബി.ബി.എസിന് പഠിക്കുകയാണ്. മകൻ വിദ്യാർഥിയാണ്.