ഹുറൂബായി അഞ്ച് വർഷം നാട്ടിൽ പോകാതിരുന്ന മലയാളി നാടണഞ്ഞു
text_fieldsഅബ്ഹ: സ്പോൺസർ ഹുറൂബാക്കിയത് കാരണം അഞ്ച് വർഷത്തോളം നാട്ടിൽ പോവാനാകാതെ ബുദ്ധിമുട്ടിലായ മലപ്പുറം ഒമാനൂർ സ്വദേശി മങ്ങാട്ട് പറമ്പൻ മുഹമ്മദ് കുട്ടിയെ ഐ.സി.എഫ് അബ്ഹ സെൻട്രൽ കമ്മിറ്റിയുടെ ഇടപെടൽ മൂലം രേഖകൾ ശരിയാക്കി നാട്ടിലയച്ചു.
സൗത്ത് പ്രൊവിൻസ് സംഘടന പ്രസിഡന്റ് സിറാജുദ്ദീൻ സഖാഫി കൊല്ലം മുഖേന വാദിദവാസിറിൽനിന്ന് മുഹമ്മദ് കുട്ടി ഓമാനൂർ വർഷങ്ങളായി ഇഖാമയില്ലാതെ ഹുറൂബ് കാരണം നാട്ടിൽ പോകാനോ ജോലിക്ക് പോവാനോ കഴിയാത്ത അവസ്ഥ ഐ.സി.എഫ് അബ്ഹ സെൻട്രൽ കമ്മിറ്റിയുടെ പ്രസിഡന്റ് സൈനുദ്ദീൻ അമാനിയെ അറിയിക്കുകയും ആവശ്യമായ ഇടപെടൽ നടത്താൻ ആവശ്യപ്പെടുകയും ചെയ്തു.
ഇക്കാര്യത്തിൽ അദ്ദേഹം ഇടപെടുകയും രേഖകൾ ശരിയാക്കി അദ്ദേഹത്തെ ഫൈനൽ എക്സിറ്റിൽ നാട്ടിലയക്കുകയും ചെയ്തു. കഴിഞ്ഞ ദിവസം ദുബൈ വഴി ഫ്ലൈ ദുബൈ എയർലൈൻസിൽ കോഴിക്കോട് വിമാനത്താവളത്തിലാണ് ഇദ്ദേഹം വിമാനം ഇറങ്ങിയത്. സെൻട്രൽ പബ്ലിക്കേഷൻ പ്രസിഡൻ്റ് അബ്ദുറഹ് മാൻ പുത്തൂർ, കാബിനറ്റ് അംഗം സലീം മൂത്തേടം തുടങ്ങിയവർ അദ്ദേഹത്തെ ജിദ്ദയിൽ യാത്രയയച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.