പു​ണ്യ​മാ​സ​ത്തി​ലെ ശ​ര​റാ​ന്ത​ലാ​യി ചി​ല മ​നു​ഷ്യ​ർ

-നൗ​ഫ​ൽ പാ​ല​ക്കാ​ട​ൻ

റി​യാ​ദ്​: അ​റ​ബ് വീ​ടു​ക​ളു​ടെ ക​വാ​ട​ങ്ങ​ളി​ലും സ്വീ​ക​ര​ണ​മു​റി​ക്ക് അ​രി​കി​ലും റ​മ​ദാ​ൻ​രാ​വു​ക​ളി​ലെ ദീ​പ്ത​സാ​ന്നി​ധ്യ​മാ​ണ് ഫാ​നൂ​സ് എ​ന്ന് വി​ളി​ക്കു​ന്ന ശ​ര​റാ​ന്ത​ൽ. പെ​രു​ന്നാ​ൾ​പ്പി​റ​വി ദൃ​ശ്യ​മാ​കും​വ​രെ ഫാ​നൂ​സി​ന്‍റെ നേ​ർ​ത്ത വെ​ളി​ച്ചം വീ​ട്ടു​മു​റ്റ​ത്ത് തെ​ളി​യും. വൈ​ദ്യു​തി​വെ​ളി​ച്ച​മി​ല്ലാ​ത്ത കാ​ല​ത്ത് ഗ്രാ​മ​ങ്ങ​ളി​ലും ന​ഗ​ര​ങ്ങ​ളി​ലും ഉ​പ​യോ​ഗി​ച്ചി​രു​ന്ന ഫാ​നൂ​സ്, സൂ​ര്യ​പ്ര​ഭ​പോ​ലെ എ​ൽ.​ഇ.​ഡി ലാ​മ്പു​ക​ൾ തെ​ളി​യു​ന്ന ഇ​ക്കാ​ല​ത്തും അ​റ​ബി​ക​ൾ ഉ​പ​യോ​ഗി​ക്കു​ന്ന​ത് ഗൃ​ഹാ​തു​ര​ത​ക​ളെ തെ​ളി​യി​ച്ചെ​ടു​ക്കാ​നും ത​ന​ത് സം​സ്കാ​ര​ം മു​റു​കെ പി​ടി​ക്കാ​നു​മാ​ണ്.

ഇ​രു​ണ്ട​കാ​ല​​േത്ത​ക്ക് വെ​ളി​ച്ചം പ്ര​സ​രി​പ്പി​ച്ച ശ​ര​റാ​ന്ത​ലു​ക​ളെ​പ്പോ​ലെ ചി​ല മ​നു​ഷ്യ​രു​മു​ണ്ട് അ​റേ​ബ്യ​യി​ൽ. വീ​ടി​ന്‍റെ കൂ​റ്റ​ൻ ക​വാ​ട​ങ്ങ​ൾ മ​ല​ർ​ക്കെ തു​റ​ന്നി​ട്ട് സാ​ധാ​ര​ണ​ക്കാ​രാ​യ പ്ര​ദേ​ശ​വാ​സി​ക​ളെ ഇ​ഫ്താ​റി​നാ​യി ക്ഷ​ണി​ക്കു​ക​യാ​ണ് അ​ത്ത​ര​ത്തി​ലൊ​രു സൗ​ദി പൗ​ര​ൻ ഇ​വി​ടെ. ഇ​ഫ്താ​ർ സ​മ​യ​ത്തി​ന് അ​ര​മ​ണി​ക്കൂ​ർ മു​മ്പ് ക​വാ​ടം തു​റ​ന്നി​ടും.

ശു​ഭ്ര​വ​സ്ത്രം ധ​രി​ച്ചു​ ഗേ​റ്റി​നു മു​ന്നി​ൽ നി​ന്ന്​ ആ ​മ​നു​ഷ്യ​സ്നേ​ഹി നി​ര​ത്തി​ലൂ​ടെ ന​ട​ന്നു​പോ​കു​ന്ന​വ​രെ വീ​ട്ടി​ലേ​ക്ക് ക്ഷ​ണി​ക്കും. അ​വ​രു​ടെ ദേ​ശ​മോ ഭാ​ഷ​യോ മ​ത​മോ ആ​തി​ഥേ​യ​ൻ തി​ര​ക്കാ​റി​ല്ല. 'അ​ഹ്‌​ല​ൻ വ ​സ​ഹ്‌​ല​ൻ യാ ​ളു​യൂ​ഫ്'(​സു​സ്വാ​ഗ​തം പ്രി​യ അ​തി​ഥി) എ​ന്ന അ​ഭി​സം​ബോ​ധ​ന​യോ​ടെ വ​ര​വേ​ൽ​ക്കും. ആ ​സ​മ​യ​ത്ത് റോ​ഡി​ലൂ​ടെ പോ​കു​ന്ന വാ​ഹ​ന​യാ​ത്ര​ക്കാ​രും ഇ​ദ്ദേ​ഹ​ത്തി​ന്‍റെ അ​തി​ഥി​ക​ളാ​വും.

അ​വ​രെ​യും വി​ളി​ച്ച് വീ​ട്ടു​മു​റ്റ​ത്ത് വി​രി​ച്ച സു​പ്ര​ക്ക് ചു​റ്റു​മി​രി​ത്തും. വി​ഭ​വ​ങ്ങ​ൾ പ​ല​തു​ണ്ടാ​കും. മ​ധു​ര​പാ​നീ​യ​ങ്ങ​ളും മു​ന്തി​യ ഇ​നം ഈ​ത്ത​പ്പ​ഴ​വും വി​ഭ​വ​സ​മൃ​ദ്ധ​മാ​യ ഭ​ക്ഷ​ണ​വും. കൂ​ടെ ആ​തി​ഥേ​യ​ന്‍റെ നി​റ​ചി​രി​യോ​ടെ​യു​ള്ള ഹൃ​ദ്യ​മാ​യ സ​ൽ​ക്കാ​ര​വും.

റി​യാ​ദ് ന​ഗ​ര​ത്തി​ൽ​നി​ന്ന് 450 കി​ലോ​മീ​റ്റ​ർ അ​ക​ലെ ഹ​ഫ​ർ അ​ൽ​ബാ​ത്വി​നി​ലാ​ണ്​ ഈ ​മ​നു​ഷ്യ​സ്​​നേ​ഹി​യു​ടെ വി​രു​ന്നൂ​ട്ട​ൽ. 10 വ​ർ​ഷ​മാ​യി മു​ട​ങ്ങാ​തെ തു​ട​രു​ക​യാ​ണ്​ ഇ​ത്. സ്ര​ഷ്‌​ടാ​വി​നോ​ടു​ള്ള ആ​രാ​ധ​ന​ക്കൊ​പ്പം സൃ​ഷ്​​ടി​ക​ളോ​ടു​ള്ള ക​ട​മ നി​ർ​വ​ഹി​ക്കു​ക​യാ​ണ് ഈ ​സ​ഹൃ​ദ​യ​ൻ. തു​ച്ഛ​മാ​യ ശ​മ്പ​ള​ത്തി​ന് ജോ​ലി ചെ​യ്യു​ന്ന അ​സം​ഖ്യം പ്ര​വാ​സി​ക​ൾ​ക്ക് അ​നു​ഗ്ര​ഹ​മാ​ണ് വി​രു​ന്ന്. മു​ട​ങ്ങാ​തെ തു​ട​രാ​ൻ ദൈ​വം ആ​രോ​ഗ്യ​വും സ​മ്പ​ത്തും ന​ൽ​ക​ണേ എ​ന്ന് പ്രാ​ർ​ഥി​ച്ചാ​ണ് അ​തി​ഥി​ക​ളു​ടെ മ​ട​ക്കം.

ഇ​രു​കാ​ലു​ക​ളും ത​ള​ർ​ന്ന മാ​ലി​ക് അ​ൽ​ബ​ദ​വി എ​ന്ന ഭി​ന്ന​ശേ​ഷി​ക്കാ​ര​ൻ സൗ​ദി​യു​ടെ വ​ട​ക്കേ അ​തി​ർ​ത്തി​യാ​യ അ​റാ​റി​ൽ​നി​ന്നാ​ണ്.

അ​റാ​റി​ലെ സാ​മൂ​ഹി​ക പ്ര​വ​ർ​ത്ത​ക​ർ​ക്കൊ​പ്പം ചേ​ർ​ന്ന് വൈ​കു​ന്നേ​ര​ങ്ങ​ളി​ൽ ച​ക്ര​ക്ക​സേ​ര​യി​ൽ തെ​രു​വി​ൽ ഇ​ഫ്താ​ർ ഭ​ക്ഷ​ണ​പ്പൊ​തി​ ന​ൽ​കു​ന്ന​തി​നും ഭ​ക്ഷ​ണം പാ​ക്ക് ചെ​യ്യു​ന്ന​തി​നും മു​ന്നി​ൽ​ത​ന്നെ​യു​ണ്ടാ​കും മാ​ലി​ക്. ഈ പ്ര​വ​ർ​ത്ത​ന​ങ്ങ​ളു​ടെ ചി​ത്രം സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​ണ്. അ​ഭി​വാ​ദ്യ​ങ്ങ​ൾ അ​ർ​പ്പി​ച്ചും പ്രാ​ർ​ഥ​ന​ ചൊ​രി​ഞ്ഞും മാ​ലി​ക്കി​ന്‍റെ ചി​ത്ര​ത്തി​ന് താ​ഴെ ട്വീ​റ്റു​ക​ൾ നി​റ​യു​ക​യാ​ണ്. ജീ​വി​തം ഇ​രു​ള​ട​ഞ്ഞു​പോ​യ അ​സം​ഖ്യം മ​നു​ഷ്യ​രി​ലേ​ക്ക് ശ​ര​റാ​ന്ത​ലാ​യി വെ​ളി​ച്ചം പ​ക​രു​ന്ന മാ​ലി​കി​നെ​യും ഹ​ഫ​ർ അ​ൽ​ബാ​ത്വി​നി​ലെ ന​ല്ല ആ​തി​ഥേ​യ​നെ​യും പോ​ലു​ള്ള മ​നു​ഷ്യ​രു​ടെ കാ​രു​ണ്യ​ത്തി​ൽ ഭ​ദ്ര​മാ​ണ് ഈ ​ലോ​ക​മെ​ന്ന്​ വാ​ഴ്ത്തു​ക​യാ​ണ്​ സ​മൂ​ഹ​മാ​ധ്യ​മ​ങ്ങ​ളി​ൽ.