യ​മ​ൻ പ്ര​തി​സ​ന്ധി​ പ​രി​ഹരിക്കുക ലക്ഷ്യമെന്ന്​ സ​ഖ്യ​സേ​ന വ​ക്താ​വ്​

ജി​ദ്ദ: യമൻ പ്രതിസന്ധി പരിഹരിക്കുന്നതിന്​ യു.എൻ പ്രത്യേക ദൂതൻ ഹാൻസ് ഗ്രണ്ട്ബെർഗി​െൻറ നേതൃത്വത്തിൽ നടക്കുന്ന എല്ലാ രാഷ്​ട്രീയ ശ്രമങ്ങളെയും സൗദി നേതൃത്വത്തിലുള്ള സഖ്യസേന പിന്തുണക്കുകയാണെന്ന്​​ വക്താവ്​ ബ്രിഗേഡിയർ ജനറൽ തുർക്കി അൽമാലികി റിയാദിൽ നടത്തിയ വാർത്ത സമ്മേളനത്തിൽ അറിയിച്ചു. യമനിലെ സൈനിക നടപടികൾ സുരക്ഷ പുനഃസ്ഥാപിക്കാനും സുസ്ഥിരമായ രാഷ്​ട്രീയാന്തരീക്ഷം സൃഷ്​ടിക്കാനുമാണെന്ന്​ അവിടത്തെ ജനതക്കും അന്താരാഷ്​ട്ര സമൂഹത്തിനും വ്യക്തമാണ്​. യമനിലെ യുദ്ധം ഒരു വശത്ത് സമാധാനത്തിനും മറുവശത്ത്​ നാശത്തിനുമിടയിലാണ്​. യമൻ പ്രസിഡൻറ്​ അബ്​ദുറബ്​ മൻസൂർ ഹാദിയുടെ അഭ്യർഥനയെ തുടർന്നാണ്​ സുരക്ഷാ കൗൺസിലി​െൻറ മേൽനോട്ടത്തിൽ 2014ൽ​ ഹൂതികളുടെ ആക്രമണത്തിൽ നിന്ന്​ യമൻ ജനതയെ സംരക്ഷിക്കാനുള്ള സൈനിക നടപടി ആരംഭിച്ചത്​.

സമഗ്രമായ ഒരു രാഷ്​ട്രീയ പരിഹാരത്തിലേക്ക് എത്തുന്നതിനുള്ള എല്ലാ സംരംഭങ്ങളും സഖ്യസേന മുന്നിൽവെച്ചെങ്കിലും അത് ഹൂതികൾ നിരസിക്കുകയാണുണ്ടായത്​. യമനിലെ പ്രതിസന്ധിക്ക് രാഷ്​ട്രീയ പരിഹാരമാണ് ഏറ്റവും നല്ല പരിഹാരമെന്നും വക്താവ്​ പറഞ്ഞു. ഇറാനിയൻ റെവല്യൂഷണറി ഗാർഡുകളുടെയും ഹിസ്ബുല്ലയുടെയും താൽപര്യം നടപ്പാക്കുക എന്നതല്ലാതെ ഹൂതികൾക്ക് മറ്റൊരു ലക്ഷ്യവുമില്ലെന്നും സഖ്യസേന വക്താവ്​ അഭിപ്രായപ്പെട്ടു. ഹൂതികളുടെ ഭീഷണികളിൽ നിന്ന്​ ചെങ്കടലിൽ കപ്പലുകളുടെ യാത്രക്ക്​ സുരക്ഷ​െയാരുക്കാൻ സഖ്യസേനക്ക്​ കഴിഞ്ഞു. 247ലധികം കടൽ മൈനുകളും 100 ബോട്ടുകളും ഉപയോഗിച്ച് ഹൂതികൾ സമുദ്ര യാത്രയെ ഭീഷണിപ്പെടുത്തിയിരുന്നു. അത്തരം ഭീഷണികളെയെല്ലാം നശിപ്പിക്കാനായി. ഹിസ്ബുല്ലയുടെ ഭീകരപ്രവർത്തനം ലബനാന്​ പുറത്തേക്കും വ്യാപിച്ചിരിക്കുകയാണെന്നും സഖ്യസേന വക്താവ്​ ആരോപിച്ചു​. ഈ ഭീകര സംഘടനക്കെതിരെ പ്രതികരിക്കാൻ ലബനാൻ പൗരന്മാർക്കും അന്താരാഷ്​ട്ര സമൂഹത്തിനും ഉത്തരവാദിത്തമുണ്ടെന്നും സഖ്യസേന വക്താവ്​ പറഞ്ഞു.