നാളെ​ ദുൽഹജ്ജ്​ മാസപ്പിറവി നിരീക്ഷിക്കാൻ ആഹ്വാനം

റിയാദ്​: വ്യാഴാഴ്​ച (ജൂൺ ആറ്​, ദുൽഖഅദ്​ 29) വൈകീട്ട്​ ദുൽഹജ്ജ്​ മാസപ്പിറവി നിരീക്ഷിക്കാൻ സൗദി ​സുപ്രീം കോടതി രാജ്യത്തെ മുസ്​ലിംകളോട്​ ആഹ്വാനം ചെയ്​തു. ഉമ്മുൽഖുറാ കലണ്ടർ പ്രകാരം ജൂൺ ആറ്​ (വ്യാഴാഴ്​ച) ദുൽഖഅദ്​ 29 ആണ്​. നഗ്​നനേത്രങ്ങൾ കൊണ്ടോ ബൈനോക്കുലർ വഴിയോ മാസപ്പിറവി ദൃശ്യമായാൽ അടുത്തുള്ള കോടതിയെ അറിയിക്കുകയും അവിടെ സാക്ഷ്യം രേഖപ്പെടുത്തുകയും ചെയ്യണം.